. . جھُکیں تو اُس کو ’’سخاوت‘‘ لگے یہ جھُکنا بھی! اَب اَپنے قَد کا ’’کوئی‘‘ دیوتا خریدیں گے . . .

. . ششدر ہُوں کہ کوئی بھی پریشان نہیں ہے سُورَج کو کئی دِن سے بجھا دیکھ رَہا ہُوں . . .

. . ہو کُور رَنگی تو رَنگیں گُلاب جھُوٹا ہے وَطن میں اَندھوں کے ہر آفتاب جھُوٹا ہے . . .

. . یہ ضِدّی لوگ ہیں اِن سے وَفا کی رَکھ اُمید جفا گُزیدہ ، مُکرّر جفا خریدیں گے . . .

. . ہر تتلی کفن پوش ہے ، ہر جگنو ہراساں گھر گھر میں بچھا فرشِ عزا دیکھ رَہا ہُوں . . .

. . جہاں پہ ہم سے ہی جھُوٹوں نے ووٹ دینا ہے وَہاں پہ جو بھی ہُوا کامیاب جھُوٹا ہے . . .

. . پھر اُس ’’ہُجوم‘‘ کا ، قبلہ دُرست ہو کیسے جو قبلہ بیچ کے ، قبلہ نُما خریدیں گے . . .