. . یہ ضِدّی لوگ ہیں اِن سے وَفا کی رَکھ اُمید جفا گُزیدہ ، مُکرّر جفا خریدیں گے . . .

. . ہر تتلی کفن پوش ہے ، ہر جگنو ہراساں گھر گھر میں بچھا فرشِ عزا دیکھ رَہا ہُوں . . .

. . جہاں پہ ہم سے ہی جھُوٹوں نے ووٹ دینا ہے وَہاں پہ جو بھی ہُوا کامیاب جھُوٹا ہے . . .

. . پھر اُس ’’ہُجوم‘‘ کا ، قبلہ دُرست ہو کیسے جو قبلہ بیچ کے ، قبلہ نُما خریدیں گے . . .

. . رِہ رِہ کے قفس بنتا ہے نمناک دُھوئیں سے شاید میں پرندے کی چِتا دیکھ رَہا ہُوں . . .

. . آسماں تکتے ہیں کچھ دیر کو نم آنکھوں سے اور پھر رِزق کماتے ہُوئے مر جاتے ہیں . . .

. . غُرور بیچیں گے ، نہ اِلتجا خریدیں گے نہ سر جھکائیں گے ، نہ سر جھکا خریدیں گے . . .