. . جانے کیا سوچ کے لے لیتا ہُوں تازہ گجرے اور پھر پھینکنے جاتے ہُوئے رو پڑتا ہُوں . . .

. . اَچھا ہُوا کہ کوئی بھی محرم نہ مل سکا دِل میں جگہ بھی تھی کہاں ، اَپنی اَنا کے بعد . . .

. . غم کے جنگل کے گھنے پن سے تو یوں لگتا ہے آسمانوں سے اُتر آئے شجر ، شام کے بعد . . .

. . دِل بھر گیا وَفا سے ، کسی بے وَفا کے بعد کھل کر بتوں کو پُوجا ہے ، ہم نے خُدا کے بعد . . .

. . کسی کی پلکوں پہ ، آنسو رُکے ہُوئے ہیں یا اُجاڑ پیڑ پہ ، اِک فاختہ سی بیٹھی ہے . . .

. . قیس! یہ فکرِ سخن نہ ہو تو شب کیسے کٹے! دِل تو کہتا ہے کہ توُ کچھ بھی نہ کر ، شام کے بعد . . .

. . ہم دائرہ پرستوں کے ، چُنگل میں قید ہیں منزل ملے گی قوم کو ، ہر رَہنما کے بعد . . .