. . آنکھ نہ جھپکوں تو سب ناگ سمجھتے ہیں مجھے گر جھپک لوں تو یہ جیون یوں گزر جاتا ہے . . .

. . یہ زَلزلے کا جھٹکا ہے یا رَبّ نے کہا ہے اِس شہر میں جو کچھ بھی ہُوا ، دیکھ رَہا ہُوں . . .

. . یہ اَگر پیشہ ہے تو اِس میں رِعایت کیوں ہو بھیک لینے پہ بھی اَب چنگی لگا دی جائے . . .

. . مندَروں میں بھی دُعائیں تو سنی جاتی ہیں ! اَشک بہہ جائیں جدھر ، مولا اُدھر جاتا ہے . . .

. . اِقرا کے مُبَلّغِ نے سَرِ عرش یہ سوچا اَب تک میں جہالت کی فَضا دیکھ رَہا ہُوں . . .

. . جہاں پہ ہم سے ہی جھُوٹوں نے ووٹ دینا ہے وَہاں پہ جو بھی ہُوا کامیاب جھُوٹا ہے . . .

. . پھر اُس ’’ہُجوم‘‘ کا ، قبلہ دُرست ہو کیسے جو قبلہ بیچ کے ، قبلہ نُما خریدیں گے . . .