. . چاند کو دیکھ کے ملنے کی دُعا نہ چھُوٹے ہاتھ گر نیچے کریں ’’پلکیں‘‘ اُٹھا کر رَکھنا . . .

. . بھرم وَفا کا کبھی ٹُوٹ بھی تو سکتا ہے یہ ہاتھ َرب نہ کرے چھُوٹ بھی تو سکتا ہے . . .

. . میں بے وَفائی کا اِلزام خود پہ لے لوں گا وُہ بے وَفا ہے اُسے یہ بتانا ٹھیک نہیں . . .

. . سارے زَخموں کو نہ شعروں میں اُڑا دینا قیس ! دِل کی دَھڑکن کو بھی کچھ زَخم بچا کر رَکھنا . . .

. . غم کے جنگل کے گھنے پن سے تو یوں لگتا ہے آسمانوں سے اُتر آئے شجر ، شام کے بعد . . .

. . دِل بھر گیا وَفا سے ، کسی بے وَفا کے بعد کھل کر بتوں کو پُوجا ہے ، ہم نے خُدا کے بعد . . .

. . کسی کی پلکوں پہ ، آنسو رُکے ہُوئے ہیں یا اُجاڑ پیڑ پہ ، اِک فاختہ سی بیٹھی ہے . . .