. . گفتگو کرتی ہے ، ’’دیوار‘‘ جو دیوانے سے دیکھنے لگتا ہے ، دیوار کو ’’دَر‘‘ ، شام کے بعد . . .

. . بتلا رہے تھے زَرد لِفافے ، ہَوا کا رُخ پتوں کے خط ملے مجھے ، ٹھنڈی ہَوا کے بعد . . .

. . آنکھوں میں اُس کی آس تھی ، دِل میں مرا یقیں میں کہہ نہ پایا اُس کو کبھی لوٹوں گا نہیں . . .

. . فِشارِ زیست پہ حیرت سے آنکھیں ملتے ہیں رَواج زِندوں کے تو موت پر بھی چلتے ہیں . . .

. . میں لڑکی ہوتی تو اِس وَقت پھُوٹ کر روتی میں مرد ہُوں مرا آنسو بہانا ٹھیک نہیں . . .

. . ہاتھ خوشبو کے ، میں بھیجوں گا محبت کا سلام زُلف میں تازہ کلی روز سجا کر رَکھنا . . .

. . سُرخ اُفق سے نہیں وَحشت زَدہ تنہا شب زاد دِل میں ہے شام کے بھی ، شام کا ڈَر ، شام کے بعد . . .