. . ٹرین چھُوٹی تو کتنے ہی عشق چھُوٹ گئے تمام عمر نشستیں شمار کرتے رہے . . .

. . اَب تو لوگوں کو یہ تنکہ بھی کھٹکتا ہے بہت آخری خط کو کلیجے سے لگا کر رَکھنا . . .

. . کسی کو دِل میں بٹھا کر ، کسی کا ہو جانا ترے لئے تو ہے ممکن توُ ایک لڑکی ہے . . .

. . سیاہ چیخوں کے آئینہ خانوں سے گزرا طلسمِ ذات کے مخفی خزانوں سے گزرا . . .

. . لوگ جب روگ کی تفصیل طلب کرتے ہیں سخت اِک بات چھپاتے ہُوئے رو پڑتا ہُوں . . .

. . خطا بڑی ہی کوئی رُوح سے ہُوئی ہے قیس صلیبِ جسم پہ جو موت تک چڑھانے لگے . . .

. . زِیادہ عمر تو گاڑی گھسیٹنے میں کٹی جہاں پہ ہو سکا ، قسطوں میں پیار کرتے رہے . . .