. . حیات ، قلب ، زَباں ، رُوح ، جسم ایک ہیں جب تو پیار ایک ہی ہوتا ہے بار ، بار نہیں . . .

. . حنا تو سب کو دِکھاتے ہو ، میں تو عاشق ہُوں مزید کچھ تو دِکھاؤ کہ عید آئی ہے . . .

. . نیم بسمل ہیں اِسی شہر میں ایسے بھی قیس جن کے مر جانے کی کرتا ہے دُعا عید کا چاند . . .

. . (ع) عنبر کہے خوشبو سے اَذاں ، عید مبارَک عید آ گئی اے جانِ جہاں ، عید مبارَک . . .

. . وُہ چاند عید کا اُترے جو دِل کے آنگن میں ہم عید روز منائیں ، وُہ اِتنا دِلکش ہے . . .

. . حیرت سے دَم بخود ہوں ، اِس بار کیا ہُوا کہ خط تک نہیں ملا ہے اور عید آ رہی ہے . . .

. . حُسنِ فطرت: لبوں کی قوس ہے چندا سی ، چاند سے اَبرُو سو چار چاند تو اُن کو لگے لگائے ہیں . . .