. . بجانے لگیں تتلیاں تالیاں رُخِ یار پر وُہ جمال آ گیا . . .

. . سنہری گلابوں نے سجدہ کیا شباب اِک فقیدُ المثال آ گیا . . .

. . لَبِ نرم و نازُک پہ اُترا کمال نئی پنکھڑی پر زَوال آ گیا . . .

. . چراغ اُن کی خوشبو سے روشن ہُوئے صُراحی میں دَم بے مثال آ گیا . . .

. . بجا لایا جھک کے میں فرشی سلام لبوں پر صنم کے ہِلال آ گیا . . .

. . جوابا وُہ جھکتے ہُوئے رُک گئے نجانے کیا دِل میں خیال آ گیا . . .

. . یہ تتلی ہے یا کہ ہَوا میں گُلاب کلی کی جبیں پر جلال آ گیا . . .