. . ممکن نہیں اُڑان ، مساوی پروں بغیر خِلقت کا شاہکار ہیں میزان تتلیاں . . .

. . ممکن نہیں یہ نقش فقط اِتفاق سے اِک نقش گر کا دیتی ہیں عرفان تتلیاں . . .

. . دِلکش ترین غنچوں کی مسکان تتلیاں پروردگارِ حُسن کی پہچان تتلیاں . . .

. . ریحان تتلی ، لولو و مرجان تتلیاں تخلیق کر رَہا ہے وُہ رِحمان تتلیاں . . .

. . مرجھا گئے گلاب ، دُکاں میں پڑے پڑے کاغذ پرست ، شہر کا اِنسان ہو گیا . . .

. . عطارِیوں کے گھر کو جو فاقوں نے آ لیا عرقِ گلاب خود پہ پشیمان ہو گیا . . .

. . مہمل مثال بن گئی ہونٹوں کی پنکھڑی اِنسان یوں گلاب سے اَنجان ہو گیا . . .