. . گُل میں اور اُن کے گال میں اِک فرق یہ بھی ہے کرتی ہیں تِل کا مفت میں دیدار تتلیاں . . .

. . کاش اِن کو حوض میں نظر آ جائیں اَپنے پر پھولوں سے کر رہی ہیں عَبَث پیار تتلیاں . . .

. . وُہ سُرخ رُو ہُوئے مرے شعروں کو پڑھ کے قیس رِہ رِہ کے چومنے لگیں رُخسار تتلیاں . . .

. . ’’ سُرخی ‘‘ بہار کی ، کہیں پھولوں کا عکس ہے دُنیا کا سب سے دِلنشیں اَخبار تتلیاں . . .

. . گُلوں سے گوریاں ، گورے بدن میں رَنگ بھریں گُلوں کے رُوپ کو سولہ سنگھار ہے تتلی . . .

. . اُلجھ رہے ہیں یہی کہہ کے ہم سے اِہلِ وَطن کہ یہ وَطن میں محبت کو عام کرتے ہیں . . .

. . صراحی کا ہے مقدر ، نہ ساقیوں کا نصیب جو کام ہونٹوں سے لگ کر یہ جام کرتے ہیں . . .