Shahzad Qais

. . کمر میں موچ نہ آ جائے ناز پرور کی حنا لگی ہو تو پانی بھی خود پیا نہ کرے . . .

. . اُسے کہو کہ کئی مور غور کرتے ہیں نقاب اَوڑھ کے بھی شہر میں چلا نہ کرے . . .

. . شریر بھائی بھی ہو سکتا ہے سہیلی کا سو اَپنا عکس سہیلی کو بھی دِیا نہ کرے . . .

. . نجانے چاندنی میں کون کون دیکھے اُسے کوئی تو روکو کہ یوں چاند کو تکا نہ کرے . . .

. . بھلے سے کرنا بھلائی کوئی کمال نہیں بھلا تو وُہ ہے برے سے بھی جو برا نہ کرے . . .

. . مرے عزیزو ! یہ سرگوشی چاند رات کی ہے کہ آج شب کوئی دُشمن کو بھی خفا نہ کرے . . .