Shahzad Qais

. . اِک چاند کو ہاتھوں پہ اُترتے ہوئے دیکھا کیا آپ مرے خواب کی تعبیر کریں گے . . .

. . ہر شخص پھر اِحرام کی جرأت نہ کرے گا ہم شیش مَحَل ، کعبے میں تعمیر کریں گے . . .

. . ہم جیسے نہتے ہُوئے ایوانوں پہ قابض تو عدل کی زَنجیر کو شمشیر کریں گے . . .

. . حق بات پہ کر دو گے جو پابندِ سَلاسِل زَنجیر کی جھنکار سے تقریر کریں گے . . .

. . تم دیکھنا اِک دِن یہ فلک بوس عمارات کردار کے بَل بوتے پہ تسخیر کریں گے . . .

. . ہم خواب کو شرمندۂ تعبیر کریں گے اور اِس کے لیے قلب کی تطہیر کریں گے . . .