Shahzad Qais

. . ہو گی نہ قیس حُسن سے اِظہار میں پَہَل یہ اُن کی نفسیات ہے محسوس تو کرو . . .

. . اِک جسم میں اِک آدمی ہوتا نہیں جناب ہر شخص ، شخصیات ہے محسوس تو کرو . . .

. . ہر لب پہ خشک پیاس کا صحرا ہے موجزن ہر اَشک میں فُرات ہے محسوس تو کرو . . .

. . ملنا بھی داستان ، بچھڑنا بھی داستان یہ شَہرِ حادِثات ہے محسوس تو کرو . . .

. . آتے ہُوئے اَذاں ہُوئی ، جاتے ہُوئے نماز اَلمختصَر حیات ہے محسوس تو کرو . . .

. . تنہائی کا خیال بھی باطل کی دین ہے تنہا بس اُس کی ذات ہے محسوس تو کرو . . .

. . زُلفِ دَرازِ یارِ اَزَل کی تلاش میں ہر فکر سے نجات ہے محسوس تو کرو . . .