Shahzad Qais

. . اِک بے مثال جھوٹ کی سرکُوبی کے لیے دو بار عہدِ ماضی میں جانا پڑا مجھے . . .

. . ہر چیز یوں نظام کے چنگل میں قید تھی اَپنا لہو خرید کے لانا پڑا مجھے . . .

. . طوطا نگر میں حافظہ واحد اُصول تھا تازہ خیال لکھ کے مٹانا پڑا مجھے . . .

. . دِل میں خدا مقیم تھا پر بات چیت کو خود کو طرح طرح سے ہرانا پڑا مجھے . . .

. . پہلے پہل کے خواب کی تعبیر کے لیے پہلو نصیحتوں سے بچانا پڑا مجھے . . .

. . تم لوگ جھوٹے قصوں کے قلعے میں دَفن ہو کاندھا ہلا ہلا کے بتانا پڑا مجھے . . .

. . اِنسان کے ضمیر میں تھا حبس اِس قَدَر تاریکیوں کو پانی پلانا پڑا مجھے . . .