Shahzad Qais

. . کرتا نہیں تھا ہجر کے ماروں کا اِحترام موسم کو تازِیانہ لگانا پڑا مجھے . . .

. . بستی بَدَر کیا جو کسی اَفلاطون نے اِک شہر شاعروں کا بسانا پڑا مجھے . . .

. . اِک بے خطا وُجود نے جب جانور کہا غصے سے اُس کو ہنس کے دِکھانا پڑا مجھے . . .

. . ٹُوٹے ہُوئے ستاروں سے ہر جھولی بھر گئی ہلکا سا آسمان ہلانا پڑا مجھے . . .

. . دُہرا نہ سکی پھر وُہ کبھی اَپنے آپ کو تاریخ کو تَنَوُّع پڑھانا پڑا مجھے . . .

. . غصے میں لات ماری جو کبڑے نظام کو ہر پرزہ پھر صفر سے بنانا پڑا مجھے . . .