Shahzad Qais

. . باہر تھی مجرموں کو کھلی چھٹی اِس لیے زِنداں میں رات لوٹ کے آنا پڑا مجھے . . .

. . مندر ، حرم ، کلیسا میں کچھ دیر تُو رہا لیکن کِرایہ پورا چکانا پڑا مجھے . . .

. . آنکھوں کا پانی مرتے ہی کاجل کی ریت پر اِک جھیل کا جنازہ پڑھانا پڑا مجھے . . .

. . ٹھنڈی ہَوائیں عشق کی سب تک پہنچ گئیں دو چار سو کا چولہا بجھانا پڑا مجھے . . .

. . موتی کی بھیک اُچھالی جو مکار سیپ نے پانی پہ اُس کو چل کے دِکھانا پڑا مجھے . . .

. . تعلیم رُوکھی سُوکھی کی سب کو عزیز تھی قارُون کا خزانہ دَبانا پڑا مجھے . . .

. . سائے میں بیٹھے مانگتے تھے سائے کی دُعا دیوار میں دَرخت اُگانا پڑا مجھے . . .