Shahzad Qais

. . پوچھا گیا جو سب سے بڑا باغی کون ہے دیمک کے سر پہ تاج سجانا پڑا مجھے . . .

. . کھائے گی اَگلی نسل ثمر اِس کا غالباً اِنسانیت کا پیڑ لگانا پڑا مجھے . . .

. . اَفسوس ! راہِ راست پہ لانے کے واسطے اِنسان کو خدا سے ڈَرانا پڑا مجھے . . .

. . رَستے تو باقی سارے ہی کھلتے چلے گئے بس خود میں آرزُو کو جگانا پڑا مجھے . . .

. . سب لوگ پہلے دیکھتے تھے کس کا قول ہے نہ چاہ کر بھی نام کمانا پڑا مجھے . . .

. . روشن ضمیر ہونے کی یہ پہلی شرط تھی اَپنے لبوں پہ تالہ لگانا پڑا مجھے . . .