Shahzad Qais

. . تعلیم رُوکھی سُوکھی کی سب کو عزیز تھی قارُون کا خزانہ دَبانا پڑا مجھے . . .

. . سائے میں بیٹھے مانگتے تھے سائے کی دُعا دیوار میں دَرخت اُگانا پڑا مجھے . . .

. . کرتا نہیں تھا ہجر کے ماروں کا اِحترام موسم کو تازِیانہ لگانا پڑا مجھے . . .

. . بستی بَدَر کیا جو کسی اَفلاطون نے اِک شہر شاعروں کا بسانا پڑا مجھے . . .

. . اِک بے خطا وُجود نے جب جانور کہا غصے سے اُس کو ہنس کے دِکھانا پڑا مجھے . . .

. . ٹُوٹے ہُوئے ستاروں سے ہر جھولی بھر گئی ہلکا سا آسمان ہلانا پڑا مجھے . . .