Shahzad Qais

. . ہر کم نظر سے معنی کا جگنو بچانے کو اَلفاظ کا دَرخت جلانا پڑا مجھے . . .

. . سنگلاخ نظریات کی اَندھی چٹان پر حیرت کا پہلا قطرہ گرانا پڑا مجھے . . .

. . پوچھا گیا جو سب سے بڑا باغی کون ہے دیمک کے سر پہ تاج سجانا پڑا مجھے . . .

. . کھائے گی اَگلی نسل ثمر اِس کا غالباً اِنسانیت کا پیڑ لگانا پڑا مجھے . . .

. . اَفسوس ! راہِ راست پہ لانے کے واسطے اِنسان کو خدا سے ڈَرانا پڑا مجھے . . .

. . رَستے تو باقی سارے ہی کھلتے چلے گئے بس خود میں آرزُو کو جگانا پڑا مجھے . . .