Shahzad Qais

. . ہماری نسل بھی محرومِ اِنقلاب رہی ہمارے شعر بھی کُتبوں کا اِقتباس ہُوئے . . .

. . ہر ایک فیصلہ ، محفوظ کرنے والو سنو ! جھکے ترازُو ، شَبِ ظلم کی اَساس ہُوئے . . .

. . خُدا پناہ ! وُہ کڑوا خِطاب رات سُنا کریلے نیم چڑھے ، باعثِ مِٹھاس ہُوئے . . .

. . نجانے شیر کے بچے ، اُٹھا لیے کِس نے یہ مُوئے شَہر جو ، جنگل کے آس پاس ہُوئے . . .

. . حساب کیجیے ، کتنا سِتم ہُوا ہو گا کفن دَریدہ بدن ، زِندگی کی آس ہُوئے . . .

. . لہو کا ایسا سمندر بہایا دُشمن نے سفینے زِندہ دِلوں کے بھی ، غرقِ یاس ہُوئے . . .