Shahzad Qais

. . اَپنی تخلیق میں شریک ہُوں میں ایک حد تک ہُوں میں بنایا ہُوا . . .

. . شرط باندھی ہے مجھ پہ خالق نے آسمانوں پہ ہُوں میں چھایا ہُوا . . .

. . عقل کا کیا بھروسہ کس پل ہو ہے جُنوں میرا آزمایا ہُوا . . .

. . آہ ! میں آگہی کے سرکس میں آس کی رَسّی پر چلایا ہُوا . . .

. . آسمانوں کا ہاتھ سُورج پر اور میں دُھوپ کا ستایا ہُوا . . .

. . جسم کا پیڑ دَھپ سے ٹُوٹ گرا دَرد کی گرد میں نہایا ہُوا . . .

. . صبر کے زَہر میں بجھایا ہُوا اَپنی میّت پہ ہُوں میں آیا ہُوا . . .