Shahzad Qais

. . عمر بھر اُس کو عشق ہو نہ سکا اور اِک روز جل بجھا میں بھی . . .

. . گڑیا ، گڈے کا کھیل تھا شاید! مطمئن ہو کے سو گیا میں بھی . . .

. . وُہ بھی اُلٹی کتاب پڑھنے لگا کل کے اَخبار میں چھُپا میں بھی . . .

. . غلطی سے آنکھیں چار ہوتے ہی سخت محتاط تر ہُوا میں بھی . . .

. . اَوڑھ لی اُس نے چہرے پر رَونق سامنے سب کے خوش رہا میں بھی . . .

. . آج وُہ ’’آپ‘‘ پر ہی ٹھہرا رہا فاصلہ رَکھ کے ہی ملا میں بھی . . .

. . ہجر کی سخت سرد راتوں میں وُہ بھی جلتا رہا ، جلا میں بھی . . .