Shahzad Qais

. . حسد کرتے ہیں سارے لوگ مجھ سے مجھے ہر سانحہ بھُولا ہُوا ہے . . .

. . کئی بار اُنگلیوں کو گن کے جانا قلم تو ہاتھ میں پکڑا ہُوا ہے . . .

. . کسی کو گھر بلاتا تو نہیں ہُوں یقینا زَلزلہ آیا ہُوا ہے . . .

. . اَچانک آئینہ حیرت سے بولا تمہیں پہلے کہیں دیکھا ہُوا ہے . . .

. . دِسمبر کا مہینہ ہو گا چونکہ پرندہ دُھوپ میں بیٹھا ہُوا ہے . . .

. . وُہ شب کا کھانا لے کر آ گئے ہیں اَبھی تو ناشتہ رَکھا ہُوا ہے . . .

. . مرا کمرہ یہ کہنا چاہتا ہے ترا جیون بہت بکھرا ہُوا ہے . . .