Shahzad Qais

. . ننھے جزیروں سے ملے ، خط اشک شوئی کے مجھ کو مرے عروج نے حیران کر دیا . . .

. . اس کو دلیل مل گئی سجدے کی بات کی میں نے کسی فرشتے پہ احسان کر دیا! . . .

. . شاخوں کی چیخ ، سرد ہوا نے نہ جب سنی اس نے تب اک درخت کو انسان کر دیا . . .

. . دل کا شجر بہار کی ’’قم‘‘ کا تھا منتظر اس نے مری بہار کو بے جان کر دیا . . .

. . خدمت میں اس کی عمر گزاری ، نصیب نے برفانی شخص کا مجھے مہمان کر دیا . . .

. . محشر سی سرد رات میں ، گھر کی تلاش نے نازک ترین تتلی کو ہلکان کر دیا . . .