Shahzad Qais

. . کبھی کبھی تو فقط چائے کی پیالی سے خَزاں کی بوڑھی تھکن کو بہار کرتے رہے . . .

. . اُداس رُت میں جو یادوں کا اُجڑا گھر کھولا یقینی وعدے بہت سوگوار کرتے رہے . . .

. . ٹرین چھُوٹی تو کتنے ہی عشق چھُوٹ گئے تمام عمر نشستیں شمار کرتے رہے . . .

. . تھی نیند مفت مگر یہ بھی خود کو دے نہ سکے غذا کے نام پہ بس زَہر مار کرتے رہے . . .

. . کہیں کہیں پہ ہماری پسند پوچھی گئی زِیادہ کام تو بے اِختیار کرتے رہے . . .

. . سوادِ عقل میں مجنوں کی آبرو کے لیے ہم ایک ہاتھ سے دامن کو تار کرتے رہے . . .

. . زِیادہ عمر تو گاڑی گھسیٹنے میں کٹی جہاں پہ ہو سکا ، قسطوں میں پیار کرتے رہے . . .