Shahzad Qais

. . وُہ بھی اُلٹی کتاب پڑھنے لگا کل کے اَخبار میں چھُپا میں بھی . . .

. . غلطی سے آنکھیں چار ہوتے ہی سخت محتاط تر ہُوا میں بھی . . .

. . اَوڑھ لی اُس نے چہرے پر رَونق سامنے سب کے خوش رہا میں بھی . . .

. . آج وُہ ’’آپ‘‘ پر ہی ٹھہرا رہا فاصلہ رَکھ کے ہی ملا میں بھی . . .

. . ہجر کی سخت سرد راتوں میں وُہ بھی جلتا رہا ، جلا میں بھی . . .

. . صرف سننے کی تاب تھی شاید وُہ بھی خاموش ، چپ رہا میں بھی . . .

. . آخری خط نہ پڑھ سکا میں بھی آس کیا دیتا رو دِیا میں بھی . . .