**************************************** ((Notice)) Updated On: 11/30/2017 8:37:27 PM Release Date: 8/13/2017 2:40:04 PM **************************************** **************************************** ((Begin Text)) **************************************** **************************************** شہزادقیس کی جانب سے خوش آمدید **************************************** شہزادقیس کی جانب سے خوش آمدید مجموعہ کلام #الہام میں شامل اشعار **************************************** Table of Contents **************************************** **************************************** اِنتساب **************************************** اِنتساب منبع رَحمت کے نام **************************************** Table of Contents **************************************** **************************************** عرضِ قیس **************************************** عرضِ قیس اِلہام میرے مذہبی ، عقیدتی کلام پر مبنی ہے۔ اس میں ایسے موضوعات کا احاطہ کرنے کی کوشش کی گئی ہے جن کے لیے ذاتی صلاحیت کام نہیں آتی۔ توفیق ِ اِلٰہی شاملِ حال ہو تو کچھ لکھنا ممکن ہے۔ اس لیے اس مجموعے میں اگر میرے کچھ اشعاررفعتِ خیال اور تسکین جمال کی حدود کو چھو رہے ہیں تو وہ شعری من و سلویٰ ہے اس میں میرا کوئی کمال نہیں۔ لیکن جہاں جہاں کلام پرواز نہ کر سکا وہ میری کاوش ہے۔ اَپنی قلمی روایت کے پیش نظر اس زیرِ ترتیب مجموعے پر بھی آپ کی بے لاگ رائے کا شدت سے انتظار رہے گا۔ آپ مجھ سے میرے سائٹ یا فیس بک پر رابطہ کر سکتے ہیں ۔ سدا خوش رہیے شہزاد قیسؔ ۔ لاہور 24 دسمبر 2016 **************************************** Table of Contents **************************************** **************************************** عقل سے ذات ، ماوَرا اُس کی **************************************** عقل سے ذات ، ماوَرا اُس کی کیا لکھے گا ، قلم ثنا اُس کی ذَرّے ذَرّے کا دائمی حاکم آگ ، مِٹّی ، پَوَن ، گھٹا اُس کی تحفے میں اُس کو کچھ بھی دے نہ سکا جو بھی سوچا تھا ، تھی عطا اُس کی ہم فقیروں کا کیا ہے دُنیا میں حتی کہ طاقتِ دُعا اُس کی ! دَھڑکنوں سے لطیف نغمہ تھا دِل نے سننے نہ دی صدا اُس کی حُور و جنت تو ’’ ضمنی ‘‘ بات تھی دوست کاش تم مانگتے رِضا اُس کی شرم کر کچھ گناہ کرنے میں قیسؔ بخشش نہ آزما اُس کی ! #شہزادقیس . **************************************** Table of Contents **************************************** **************************************** پلاتا ہے حق جس کو جامِ محمدؐ **************************************** پلاتا ہے حق جس کو جامِ محمدؐ وُہ اَشکوں سے لکھتا ہے نامِ محمدؐ خِرد ، عشق ، تعلیم ، تقویٰ ہے لازِم سبھی کیسے سمجھیں مقامِ محمدؐ دُرُود اُن پہ جب جب پڑھیں بھیگی آنکھیں اُترتا ہے دِل پر سلامِ محمدؐ عبادَت کی معراج ، سبحانَ رَبی خدا نے کیا کم قیامِ محمدؐ کلامِ محمدؐ ، بحکمِ خدا ہے کلامِ خدا ہے کلامِ محمدؐ مجھے کاش محشر میں سہواً ہی سمجھیں غلامِ غلامِ غلامِ محمدؐ خدا حشر میں اُس پہ رَحمت کرے گا ہے جس دِل میں قیسؔ اِحترامِ محمدؐ #شہزادقیس . **************************************** Table of Contents **************************************** **************************************** اِک تجّلی ہے مصطفےٰ اُس کی **************************************** اِک تجّلی ہے مصطفےٰ اُس کی اور کیا لکھوں میں ثنا اُس کی مامتا جس کی ’’ ایک ‘‘ نعمت ہے دِل مرے حمد تو سنا اُس کی ’’ اَللہ شافی ‘‘ کا معنی یہ ہے دوست ! ہر مرض میرا ، ہر شفا اُس کی سرفرازی کو ، عمر بھر ترسا سر جو چوکھٹ پہ نہ جھکا اُس کی ایک پتھر نے ، آدمی سے کہا تُو بھی کچھ حمد گنگنا اُس کی علم ، عرفان ، عقل ششدر ہیں اِنتہا پر ہے اِبتدا اُس کی قیسؔ جو جھوم کر یہ حمد پڑھے عمر دُگنی کرے خدا اُس کی #شہزادقیس . **************************************** Table of Contents **************************************** **************************************** جو یہاں زیر ہُوا سب کو زَبر لگتا ہے **************************************** جو یہاں زیر ہُوا سب کو زَبر لگتا ہے اِس لیے سب سے حسین آپؐ کا دَر لگتا ہے ہم بھی پردیس میں جاں جانے سے ڈَرتے ہیں حضور پر مدینے میں کسے موت سے ڈَر لگتا ہے سنگ دِل شخص پہ قرآن مؤثر کیوں ہے ؟ سنگ ریزوں کی تلاوَت کا اَثر لگتا ہے چھوڑ کر گردِشی تسبیح ہُوا ہے دو نیم عارِف قصۂ معراج ، قمر لگتا ہے جو محمدؐ کا نہیں ، دُنیا کو وُہ جو بھی لگے اِہلِ کردار کو وُہ شخص صفر لگتا ہے ایک صلوات اِدھر پڑھتے ہیں نمناک قلوب اور پھل دار شجر ایک اُدھر لگتا ہے عالمِ مرگِ غلامانِ محمدؐ بھی قیسؔ نُور ملبوس عقیدت کا سفر لگتا ہے #شہزادقیس . **************************************** Table of Contents **************************************** **************************************** خوشبو سے رَقم کرتا ہے گُل تیرا قصیدہ **************************************** خوشبو سے رَقم کرتا ہے گُل تیرا قصیدہ تابندہ ستارے سَرِ دِہلیز خمیدہ خامہ بنیں اَشجار یا اَبحار سیاہی مرقوم نہ ہو پائیں گے اَوصافِ حمیدہ ہر قلب کہاں فیض تری نعت کا پائے ہر ذِہن کہاں عشق میں آہُوئے رَمیدہ آقا تری رَحمت کے سمندر پہ نظر ہے اَعمال میں سستی ہے مگر پختہ عقیدہ یعنی میں مدینہ کی فَضاؤں میں کھڑا ہُوں ! حیران ہیں اَفکار تو نمناک ہے دیدہ گُل آپؐ کی خاطر چنے با عرقِ ندامت شبنم سے شرابور ہیں گُل ہائے چُنیدہ یہ کہہ کے قلم قیسؔ مرا تتلی نے چوما خوش بخت ہو لکھتے ہو محمدؐ کا قصیدہ #شہزادقیس . **************************************** Table of Contents **************************************** **************************************** اَزَل سے معظم ہے نامِ محمدؐ **************************************** اَزَل سے معظم ہے نامِ محمدؐ فرشتوں سے پوچھو مقامِ محمدؐ بشر عہدِ طفلی سے باہر تو نکلے کریں گے سبھی اِحترامِ محمدؐ محمدؐ کے دُشمن ہیں تا حشر اَبتر خدا خوب لے اِنتقامِ محمدؐ خلاصہ مکمل شریعت کا لکھ لو حلالِ محمدؐ ، حرامِ محمدؐ زکات اَب بھی پہنچے غریبوں کو گھر پر مؤثر ترین اِنتظامِ محمدؐ بہت ہو چکی ، اَب فقط ایک نعرہ نظامِ محمدؐ ، نظامِ محمدؐ خدا لیلیٰ اور قیسؔ کو بھی بنا دے کنیزِ محمدؐ ، غلامِ محمدؐ #شہزادقیس . **************************************** Table of Contents **************************************** **************************************** محبت کے دِلکش نگینے سلام **************************************** محبت کے دِلکش نگینے سلام مبارَک ، مقدس مہینے سلام اے قرآن آوَر ، اے وِجدان گر اے بخشش کے روشن خزینے سلام اَذانوں کی ٹھنڈک ، نمازوں کی خوشبو بہت رُوح پرور قرینے سلام نگاہوں میں توبہ کی رِم جھم کے پھول تلاوَت سے پُر نُور سینے سلام عجب رُوح کا منّ و سلویٰ ہے تُو کرم ہی کرم کے سفینے سلام سکھاتا ہے غلبہ ہمیں نفس پر ترقی کے پُر نُور زینے سلام منا لے جو رَب قیسؔ رَمضان میں کہیں اُس کو گیارہ مہینے سلام #شہزادقیس . **************************************** Table of Contents **************************************** **************************************** اِتنا خوش رَنگ کہ خوابوں کا نگر لگتا ہے **************************************** اِتنا خوش رَنگ کہ خوابوں کا نگر لگتا ہے گنبدِ سبز سے یہ شہر گہر لگتا ہے معذرَت اِہلِ مدینہ یہ جسارَت ہے مگر ایک ہستی کے طفیل اَپنا ہی گھر لگتا ہے پاؤں آقا نے اِنہی گلیوں میں رَکھے ہوں گے ! پاؤں رَکھتے ہُوئے ایمان سے ڈَر لگتا ہے پلکیں جھاڑُو کے تصور سے دَمک اُٹھتی ہیں راستہ آپؐ کی گر راہ گزر لگتا ہے ہجر میں آپؐ کے نمناک فقط آنکھ نہیں خون سے سینے میں کچھ اور بھی تر لگتا ہے طاعتِ اَحمدِ مُرسلؐ کا شجر دِل میں لگا اِس پہ جنت کی بشارَت کا ثمر لگتا ہے ناز ہو جس کو محمدؐ کی غلامی پر قیسؔ آنکھ والوں کو وُہی اِہلِ نظر لگتا ہے #شہزادقیس . **************************************** Table of Contents **************************************** **************************************** کُن کی اَذانِ ناز کا جوہر نبیؐ مِرا **************************************** کُن کی اَذانِ ناز کا جوہر نبیؐ مِرا خِلقت کی ہر بہار کا جھومر نبیؐ مِرا رَوشن ہے کہکشاؤں میں حُسنِ محمدیؐ سوچو تو کس قَدَر ہے منور نبیؐ مِرا سیدؐ ، کلیمؐ ، اُمیؐ ، محمدؐ ، قویؐ ، خلیلؐ منصورؐ ، حقؐ ، نذیرؐ ، مطہرؐ نبیؐ مِرا طہؐ ، بشیرؐ ، عزیزؐ ، رَحیمؐ ، اَبطحیؐ ، منیرؐ یسؐ ، اَمینؐ ، نورؐ ، مدثرؐ نبیؐ مِرا نقشِ قدم رَسولؐ کا خوشبوئے دین ہے نعلین بھی ہے جس کی معطر نبیؐ مِرا تا حشر ، نعت خوانوں نے محنت تو کی مگر قطرہ ہُوا بیان ، سمندر نبیؐ مِرا معراج تھی فرشتوں کی حیرانگی کی رات بے پر بھی اُترا قیسؔ ، فلک پر نبیؐ مِرا #شہزادقیس . **************************************** Table of Contents **************************************** **************************************** اِس شعر میں لکھ ڈالا ہے بنیادی عقیدہ **************************************** اِس شعر میں لکھ ڈالا ہے بنیادی عقیدہ اَحمدؐ سا کوئی دُوسرا دیدہ نہ شنیدہ جس کُن کی ہے تخلیق تری ذاتِ معظم اُس کُن کے فضائل کا لکھے کون جریدہ ہے علم بھی لازِم وَلے یہ ذِہن میں رَکھنا پڑھ لکھ کے کوئی ہوتا نہیں عرش رَسیدہ صد چاک ہے غفلت سے مگر تیری عِنایت بھر سکتی ہے ہر عاصی کا دامانِ دَریدہ اُٹھی ہیں مدینہ کو طلب گار نگاہیں اُمت کے ہُوئے جاتے ہیں حالات کشیدہ دامن مرا پُر کر دے ترے اَبرِ کرم سے گلشن میں کھلیں پھول سرِ شاخِ بُریدہ یہ بات کسی معجزے سے کم تو نہیں قیسؔ ہم جیسے گنہ گار پڑھیں اُن کا قصیدہ #شہزادقیس . **************************************** Table of Contents **************************************** **************************************** خلوص ، علم ، دُعا ، آگہی کے سائے میں **************************************** خلوص ، علم ، دُعا ، آگہی کے سائے میں حیات گزرے تو گزرے نبیؐ کے سائے میں اَمین ، متقی ، خدمت گزارِ نوعِ بشر ستارے لاکھوں پلے آپؐ ہی کے سائے میں وُہ تم سے لاکھ لگیں پر تمہارے جیسے نہیں ثبوت تم کو ملے گا تمہی کے سائے میں بشیرؐ ، نورؐ ، محمدؐ کی چھاؤں میں آؤ کلیمؐ ، اُمّیؐ ، مدثرؐ ، قویؐ کے سائے میں خراج دیتے ہیں جن کو اَدَب سے شاہِ جہاں فقیر ایسے پلے ہیں اُنہی کے سائے میں بلال تیرا بلاتا ہے یوں خدا کی طرف کہ جیسے جگنو اَذاں دے کلی کے سائے میں بشر کے عہدِ اِمامت کی اِبتدا ہے قیسؔ رحیمؐ ، نورؐ ، اَمینؐ ، اَبطحیؐ کے سائے میں #شہزادقیس . **************************************** Table of Contents **************************************** **************************************** شیرازۂ وُجود و بقا ذِکرِ مصطفےٰؐ **************************************** شیرازۂ وُجود و بقا ذِکرِ مصطفےٰؐ چھُو پائے گی نہ جس کو قضا ذِکرِ مصطفےٰؐ اِس پر بھی پیار آتا ہے پروردِگار پر کرتا ہے ہم سے بڑھ کے خدا ذِکرِ مصطفےٰؐ مرہم طرح طرح کے بنے تن کے واسطے من کے ہر ایک غم کی دَوا ذِکرِ مصطفےٰؐ دیکھا ہے جب سے ذِکرِ خدا میں مگن اُنہیں کرتی ہے تب سے غارِ حرا ذِکرِ مصطفےٰؐ اِحمدؐ کا ذِکرِ کرنا بھی نعمت ہے ، رِزق ہے وَرنہ کہاں ہم اور کجا ذِکرِ مصطفےٰؐ پوچھا گناہ گاروں نے کیسے ملا مقام ہر جنتی نے ہنس کے کہا ذِکرِ مصطفےٰؐ اِک نُور کی لکیر گئی قیسؔ عرش تک دِل کے حرم میں جب بھی ہُوا ذِکرِ مصطفےٰؐ #شہزادقیس . **************************************** Table of Contents **************************************** **************************************** جس کو بھی اِسمِ محمدؐ سے حیا آتی ہے **************************************** جس کو بھی اِسمِ محمدؐ سے حیا آتی ہے حشر میں اُس کے لیے سبز قبا آتی ہے کچھ فرشتے بھی جماعت میں نظر آتے ہیں جب تصور میں مرے غارِ حرا آتی ہے ایک ماحول سا بن جاتا ہے رِندوں کے لیے جب بھی جنت میں مدینے کی ہَوا آتی ہے تیرنے لگتے ہیں بہتی ہُوئی نہروں میں چراغ سجدے سے اُٹھتے ہی خوشبوئے حنا آتی ہے دَف بجاتی ہُوئی حوروں کا نکلتا ہے ہجوم جب بھی سرکارؐ کی آمد کی ندا آتی ہے کاش ہو نظرِ کرم دِل کے حرم پر اُن کی ہم گنہ گاروں کو بس ایک دُعا آتی ہے نعت پڑھتے ہُوئے میں کانپ سا اُٹھتا ہُوں قیسؔ سبز گنبد سے جو ٹکرا کے صدا آتی ہے #شہزادقیس . **************************************** Table of Contents **************************************** **************************************** نبیؐ کی یاد دَھڑکن ہے ہمارا دِل مدینہ ہے **************************************** نبیؐ کی یاد دَھڑکن ہے ہمارا دِل مدینہ ہے جہاں اِحمدؐ کے عاشق ہوں وُہی محفل مدینہ ہے مدینہ علم و عرفاں ، آگہی ، اَنوار کا مرکز وُہ اِنسان اَصل اِنساں ہے جسے حاصل مدینہ ہے حُضورؐ اُمّت کی خاطر رات بھر روتے تھے سجدوں میں جہنم اور ہمارے بیچ بس حائل مدینہ ہے مدینہ عام سا اِک شہر تھا سرکار دُنیا میں کسی کامل کا صدقہ ہے کہ اَب کامل مدینہ ہے اے میری نعت سن کر یادِ اِحمدؐ میں تڑپتے دِل تیرے آنسو بتاتے ہیں تیری منزل مدینہ ہے تلاطم خیز موجیں ہیں زَمانے بھر کے ہنگامے سفینے پاک دِل اِنسان ہیں ، ساحل مدینہ ہے مدینے کا بھکاری کہتے ہیں سب پیار سے مجھ کو دُعاؤں میں مری قیسؔ اِس قَدَر شامل مدینہ ہے #شہزادقیس . **************************************** Table of Contents **************************************** **************************************** نجات اور بخشش کے زینے سلام **************************************** نجات اور بخشش کے زینے سلام اے روزوں کے دِلکش مہینے سلام دُھلی ہیں نگاہیں گنہ گار کی ہِدایت کے روشن نگینے سلام سبھی یکساں بھوکے ، غنی یا غریب اُخوت کے اَعلیٰ قرینے سلام نظر میں حیا ہے تو دِل موم تر تقدس بھرے آبگینے سلام ہر اِک متقی کو مسلسل کہیں بہشتی گھروں کے خزینے سلام عبادَت کو لگ جائیں حق چار چاند اَگر جا کے بھیجیں مدینے سلام فضیلت کی شب قیسؔ پا لیں اَگر کریں گے ہزاروں مہینے سلام #شہزادقیس . **************************************** Table of Contents **************************************** **************************************** گنجینۂ جمال کی خوشبو ہیں اِہلِ بیت **************************************** گنجینۂ جمال کی خوشبو ہیں اِہلِ بیت گُل اُن کی ذاتِ پاکؐ ہے اَصحاب تتلیاں : گل دان #شہزادقیس . Ganjeena-e-Jamaal Ki Khushboo Hain Ehl-e-Bait Gul Unn Ki Zaat-e-Pak Hai Ashaab Titliyan #ShahzadQais **************************************** Table of Contents **************************************** **************************************** محمدؐ گلابوں سے لکھا ھوا تھا **************************************** محمدؐ گلابوں سے لکھا ھوا تھا گلابوں کی خوشبو بہت بڑھ گئی تھی #شہزادقیس . Muhammad Gulaabon Say Likha Howa Tha Gulabon Ki Khushboo Bohat Barrh Gai Thi #ShahzadQais **************************************** Table of Contents **************************************** **************************************** اُتنا دوزَخ کی سزاؤں کا نہیں خوف مجھے **************************************** اُتنا دوزَخ کی سزاؤں کا نہیں خوف مجھے جتنا دو شکوہ کناں آنکھوں سے ڈَر لگتا ہے #شہزادقیس . Utna Dozakh Ki Sazaaon Ka Nahi Khauf Mujhay Jitna Do Shikwa Kunaan Aankhon Say Dar Lagta Hai #ShahzadQais **************************************** Table of Contents **************************************** **************************************** جمال ِ آدم و حوا کی کرنیں ان سے ہیں **************************************** جمال ِ آدم و حوا کی کرنیں ان سے ہیں حضور دنیا میں موجود پہلے دن سے ہیں #شہزادقیس . Jamal -e- Aadam -o- Hawwa Ki Kirnain Inn Say Hain Huzoor Duniya Mian Maujood Pehly Din Say Hain #ShahzadQais **************************************** Table of Contents **************************************** **************************************** شاعری ہو کسی کی مدحت میں **************************************** شاعری ہو کسی کی مدحت میں معنوی طور پر ہے حمدِ خدا #شہزادقیس . Shairy Ho Kisi Ki Midhat Main Manvai Taur Par Hai Hamd-e-Khuda #ShahzadQais **************************************** Table of Contents **************************************** **************************************** ۔ اختتام ۔ مجموعہ کلام "الہام" ۔ **************************************** ۔ اختتام ۔ مجموعہ کلام "الہام" ۔ سدا خوش رہیے ۔ شہزادقیس **************************************** Table of Contents **************************************** **************************************** ((End Text)) **************************************** ******************************* Find Shahzad Qais on Social Media ******************************* YouTube Instagram Twitter FaceBook ******************************* میری تمام کتب ڈاؤن لوڈ کیجیے ******************************* تمام کتب ایک ذپ فائل کی صورت میں http://sqais.com/QaisAll.zip "لیلیٰ" از "شہزادقیس" http://sqais.com/QaisLaila.pdf http://sqais.com/QaisLaila.html http://sqais.com/QaisLaila.txt "دِسمبر کے بعد بھی" از "شہزادقیس" http://sqais.com/QaisDecember.pdf http://sqais.com/QaisDecember.html http://sqais.com/QaisDecember.txt "تتلیاں" از "شہزادقیس" http://sqais.com/QaisTitliyan.pdf http://sqais.com/QaisTitliyan.html http://sqais.com/QaisTitliyan.txt "عید" از "شہزادقیس" http://sqais.com/QaisEid.pdf http://sqais.com/QaisEid.html http://sqais.com/QaisEid.txt "غزل" از "شہزادقیس" http://sqais.com/QaisGhazal.pdf http://sqais.com/QaisGhazal.html http://sqais.com/QaisGhazal.txt "عرفان" از "شہزادقیس" http://sqais.com/QaisIrfan.pdf http://sqais.com/QaisIrfan.html http://sqais.com/QaisIrfan.txt "انقلاب" از "شہزادقیس" http://sqais.com/QaisInqilab.pdf http://sqais.com/QaisInqilab.html http://sqais.com/QaisInqilab.txt "وُہ اِتنا دِلکش ہے" از "شہزادقیس" http://sqais.com/QaisDilkash.pdf http://sqais.com/QaisDilkash.html http://sqais.com/QaisDilkash.txt "نمکیات" از "شہزادقیس" http://sqais.com/QaisNamkiyaat.pdf http://sqais.com/QaisNamkiyaat.html http://sqais.com/QaisNamkiyaat.txt "نقشِ ہفتم" از "شہزادقیس" http://sqais.com/QaisNaqsh.pdf http://sqais.com/QaisNaqsh.html http://sqais.com/QaisNaqsh.txt "اِلہام" از "شہزادقیس" http://sqais.com/QaisIlhaam.pdf http://sqais.com/QaisIlhaam.html http://sqais.com/QaisIlhaam.txt "شاعر" از "شہزادقیس" http://sqais.com/QaisShayer.pdf http://sqais.com/QaisShayer.html http://sqais.com/QaisShayer.txt "بیت بازی" از "شہزادقیس" http://sqais.com/QaisBait.pdf http://sqais.com/QaisBait.html http://sqais.com/QaisBait.txt ********************** آپ کو اس متن کی اشاعت کی اجازت ہے ********************** آپ ان تخلیقات کو اپنے ویب سائٹ، بلاگ، فیس بک، ٹوئٹر، سوشل میڈیا اکاؤنٹس، اخبار، کتاب، ڈائجسٹ وغیرہ میں شائع کر سکتے ہیں بشرطیکہ اس میں ترمیم نہ کریں، شہزادقیس کا نام بطور مصنف درج کریں اور اس تخلیق کی اشاعت غیر تجارتی مقاصد کے لیے ہو یہ تخلیقات کریٹو کامنز لائسنس کے تحت شائع کی گئی ہیں جس میں اس تخلیق سے ماخوذ کام کی نشر و اشاعت کی اجازت نہیں ہے۔۔ مزید تفصیلات اس لنک پر ملاحظہ فرمائیے https://creativecommons.org/licenses/by-nc-nd/4.0/legalcode کسی اور طرح کی اشاعت کے لیے Info@SQais.com پر رابطہ فرمائیے۔