Iznay Rabbee Say Jaam Chaltaa Hai

Iznay Rabbee Say Jaam Chaltaa Hai
Hash'r Tak Ehtamaam Chaltaa Hai

Jaam Say Pehlay Jaam Chakhtay Hain
Jaam Kay Baad Jaam Chaltaa Hai

Saath Unn Kay Kaneez Aa'ey Gee
Saath Meery Ghulaam Chaltaa Hai

Hirniyan Uss Peh Naaz Kartee Hain
aah! Kiya Khush Kharaam Chaltaa Hai

Duni'yaa Main Aur Kuch Chalay Na Chalay
Husn Kaa Ehtaraam Chaltaa Hai

Husn Dharrkan Hai Raaz-a-Hasti Ki
Yeh Chalay Tu Nizaam Chaltaa Hai

Ik Haseena Nay Shair Likhay Hain!
Qais Kaa Sirf Naam Chaltaa Hai
#Shahzad_Qais