****************************************<BR>
((Notice))<BR>
<B>Updated On:</B> 7/2/2018 2:28:46 AM<BR>
<B>Release Date:</B> 8/13/2017 2:40:04 PM<BR>
****************************************<BR>


****************************************<BR>
<h3 id="BOOK10"> ((Table Of Contents)) </h3>
<h3><a href="#TOC100">شہزادقیس کی جانب سے خوش آمدید</a></h3>
<h3><a href="#TOC101">اِنتساب</a></h3>
<h3><a href="#TOC102">الا یا ایہا الساقی ادر کأسا و ناولہا</a></h3>
<h3><a href="#TOC103">اَگرچہ نیک جُستہ ایم ما ، محمل بہ محمل ہا</a></h3>
<h3><a href="#TOC104">خوشبو ہے دو عالم میں تیری اے گُل چیدہ</a></h3>
<h3><a href="#TOC105">خوشبو سے رَقم کرتا ہے گُل تیرا قصیدہ</a></h3>
<h3><a href="#TOC106">اِس شعر میں لکھ ڈالا ہے بنیادی عقیدہ</a></h3>
<h3><a href="#TOC107">سر سے پا تک وہ گلابوں کا شجر لگتا ہے</a></h3>
<h3><a href="#TOC108">اِتنا خوش رَنگ کہ خوابوں کا نگر لگتا ہے</a></h3>
<h3><a href="#TOC109">جو یہاں زیر ہُوا سب کو زَبر لگتا ہے</a></h3>
<h3><a href="#TOC1010">غیر لیں محفل میں بوسے جام کے</a></h3>
<h3><a href="#TOC1011">جام کے بوسے بھلا کس کام کے</a></h3>
<h3><a href="#TOC1012">سنا ہے لوگ اسے آنکھ بھر کے دیکھتے ہیں</a></h3>
<h3><a href="#TOC1013">قلم کو بابِ تمنا پہ دَھر کے دیکھتے ہیں</a></h3>
<h3><a href="#TOC1014">میں کہ پرشور سمندر تھے مرے پاؤں میں</a></h3>
<h3><a href="#TOC1015">ایک سر چھوڑ کے آیا تھا جہاں پاؤں میں</a></h3>
<h3><a href="#TOC1016">اس کا اپنا ہی کرشمہ ہے فسوں ہے یوں ہے</a></h3>
<h3><a href="#TOC1017">کوئی مر جائے تو کیوں کہتے ہو یوں ہے ، یوں ہے</a></h3>
<h3><a href="#TOC1018">گریز شب سے سحر سے کلام رکھتے تھے</a></h3>
<h3><a href="#TOC1019">سَحَر گُریز تھے شب سے کلام رَکھتے تھے</a></h3>
<h3><a href="#TOC1020">خوشبوؤں کا ایک نگر آباد ہونا چاہیے</a></h3>
<h3><a href="#TOC1021">چاند پر اِک مے کدہ آباد ہونا چاہیے</a></h3>
<h3><a href="#TOC1022">عمر اَشکوں میں کٹی اَب شاد ہونا چاہیے</a></h3>
<h3><a href="#TOC1023">نہ آیا ہوں نہ میں لایا گیا ہوں</a></h3>
<h3><a href="#TOC1024">بُتوں کے سر پہ برسایا گیا ہُوں</a></h3>
<h3><a href="#TOC1025">تمناؤں میں الجھایا گیا ہوں</a></h3>
<h3><a href="#TOC1026">کئی خط لکھ کے بلوایا گیا ہُوں</a></h3>
<h3><a href="#TOC1027">مرتی ہوئی زمین کو بچانا پڑا مجھے</a></h3>
<h3><a href="#TOC1028">سُورَج پہ اَشکِ عشق گرانا پڑا مجھے</a></h3>
<h3><a href="#TOC1029">آواز دے کے خود کو بلانا پڑا مجھے</a></h3>
<h3><a href="#TOC1030">کلیوں سے اِک مزار سجانا پڑا مجھے</a></h3>
<h3><a href="#TOC1031">روٹی پہ آڑُو رَکھ کے پکانا پڑا مجھے</a></h3>
<h3><a href="#TOC1032">آبِ انگور سے وضُو کر لو</a></h3>
<h3><a href="#TOC1033">اَشکِ پرُ نور سے وُضو کر لو</a></h3>
<h3><a href="#TOC1034">دِل کو تنہائی میں رَفُو کر لو</a></h3>
<h3><a href="#TOC1035">عطا جسے تیرا عکس جمال ہوتا ہے</a></h3>
<h3><a href="#TOC1036">غُرورِ حُسن میں شاہی جلال ہوتا ہے</a></h3>
<h3><a href="#TOC1037">کتابیں چاٹنے میں کب کمال ہوتا ہے</a></h3>
<h3><a href="#TOC1038">صنم کو دیکھ کے اَپنا یہ حال ہوتا ہے</a></h3>
<h3><a href="#TOC1039">حسین باتوں کا کب اِنتقال ہوتا ہے</a></h3>
<h3><a href="#TOC1040">مثالِ پرتوِ مے طوفِ جام کرتے ہیں</a></h3>
<h3><a href="#TOC1041">خدا کے نام کا ہم اِحترام کرتے ہیں</a></h3>
<h3><a href="#TOC1042">حسابِ عمر کا اتنا سا گوشوارا ہے</a></h3>
<h3><a href="#TOC1043">اِسی سہارے پہ دِن ہجر کا گزارا ہے</a></h3>
<h3><a href="#TOC1044">وہ جذبوں کی تجارت تھی یہ دل کچھ اور سمجھا تھا</a></h3>
<h3><a href="#TOC1045">بغاوَت بھی سیاست تھی ، یہ دِل کچھ اور سمجھا تھا</a></h3>
<h3><a href="#TOC1046">اے محبت ترے انجام پہ رونا آیا</a></h3>
<h3><a href="#TOC1047">جو نہ آیا اُسی پیغام پہ رونا آیا</a></h3>
<h3><a href="#TOC1048">ضبط کی کوششِ ناکام پہ رونا آیا</a></h3>
<h3><a href="#TOC1049">تو نے دیکھا ہے کبھی ایک نظر شام کے بعد</a></h3>
<h3><a href="#TOC1050">غم سے بھر جاتا ہے ، یوں دیدۂ تر ، شام کے بعد</a></h3>
<h3><a href="#TOC1051">انسان کی عظمت کو ترازو میں نہ تولو</a></h3>
<h3><a href="#TOC1052">سانسوں میں بغاوَت کا سُخن بول رہا ہے</a></h3>
<h3><a href="#TOC1053">دشت میں پیاس بجھاتے ہوئے مر جاتے ہیں</a></h3>
<h3><a href="#TOC1054">خون میں اَشک ملاتے ہُوئے مر جاتے ہیں</a></h3>
<h3><a href="#TOC1055">کارخانوں کو بچاتے ہُوئے مر جاتے ہیں</a></h3>
<h3><a href="#TOC1056">دیئے جلا کے ندی میں بہایا کرتا تھا</a></h3>
<h3><a href="#TOC1057">رِیاضیات میں سر ، دَھڑ کھپایا کرتا تھا</a></h3>
<h3><a href="#TOC1058">خوبصورت بھی ہے اور نیند سے جاگا ہُوا ہے</a></h3>
<h3><a href="#TOC1059">وُہ مری یاد میں کچھ روز سے جاگا ہُوا ہے</a></h3>
<h3><a href="#TOC1060">یہ جو لاہور سے محبت ہے</a></h3>
<h3><a href="#TOC1061">گر کسی اور سے محبت ہے</a></h3>
<h3><a href="#TOC1062">ہر نفس رنج کا اشارہ ہے</a></h3>
<h3><a href="#TOC1063">یہ اِشارہ بڑا اِشارا ہے</a></h3>
<h3><a href="#TOC1064">دَراَصل: بات اَلفاظ کی نہیں صاحب</a></h3>
<h3><a href="#TOC1065">۔ اختتام ۔ مجموعہ کلام "نقشِ ہفتم" ۔</a></h3>

((Begin Text))
****************************************<BR>


****************************************<BR>
<h3 id="TOC100">شہزادقیس کی جانب سے خوش آمدید</h3>
****************************************<BR>
<textarea rows="14" cols="40">
شہزادقیس کی جانب سے خوش آمدید
مجموعہ کلام "نقشِ ہفتم" میں شامل اشعار
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC101">اِنتساب</h3>
****************************************<BR>
<textarea rows="14" cols="40">
اِنتساب
ہر نقش ِ کہن کے نام
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC102">الا یا ایہا الساقی ادر کأسا و ناولہا</h3>
****************************************<BR>
<textarea rows="14" cols="40">
الا یا ایہا الساقی ادر کأسا و ناولہا
کہ عشق آسان نمود اول ولی افتاد مشکل‌ہا
 
#حافظ_شیرازی
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC103">اَگرچہ نیک جُستہ ایم ما ، محمل بہ محمل ہا</h3>
****************************************<BR>
<textarea rows="14" cols="40">
اَگرچہ نیک جُستہ ایم ما ، محمل بہ محمل ہا
کمالِ حُسن را دَر قلب می جویند عاقل ہا
 
سُکوتِ آب ، عکسِ ماہ را چہ خوش نما سازَد
اَگر خلوت کنی با قلب ، اُولیٰ تر زِ محفل ہا
 
بہ سوی قلب گر رَفتی ، ہزاران راہ ، یک منزل
اَگر بخود نمی آئی ، ہزاران راہِ باطل ہا
 
بہ مرگِ جسم نہ میرد ، دِلی کہ عشق می وَرزَد
مشو اَز عشق غافل ، گرگ گیرد جانِ غافل ہا
 
فضیلت ہائے یزدانم ، دَما دَم رُو بہ اَفزایش
نکوشند دَر شمارِش اِلاّ مدرَک دار جاہل ہا
 
نِہنگِ آرزُو راند ، سفینہ ہائے نفسانی
نہنگی تا نفس دارَد ، نمی آید بہ ساحل ہا
 
جُنونی تر بکن یا رَب کہ شَب پیرِ مغانم گفت
دَر عُمرم من ندیدم ہوشیاری ، یافت منزل ہا
 
اَگر جامی زِ آبِ خام پرُ شد ، ’’ ظرف ‘‘ نہ دارَد
حجابِ علمِ دُنیا ، بستہ راہِ بزمِ کامل ہا
 
صُراحی آر کہ توبہ شکستہ اَم ، مَنِ تشنہ
زِ قندِ سرخِ شیرازی ، پیوستہ اَم بہ بسمل ہا
 
سَرِ دارَم و این مصراعِ حافظؔ می سرایم قیسؔ
’’ کہ عشق آسان نمود اَوّل وَلے اُفتاد مشکل ہا ‘‘
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC104">خوشبو ہے دو عالم میں تیری اے گُل چیدہ</h3>
****************************************<BR>
<textarea rows="14" cols="40">
خوشبو ہے دو عالم میں تیری اے گُل چیدہ
کس منہ سے بیاں ہوں تیرے اوصاف حمیدہ
 
#حفیظ_تائب
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC105">خوشبو سے رَقم کرتا ہے گُل تیرا قصیدہ</h3>
****************************************<BR>
<textarea rows="14" cols="40">
خوشبو سے رَقم کرتا ہے گُل تیرا قصیدہ
تابندہ ستارے سَرِ دِہلیز خمیدہ
 
خامہ بنیں اَشجار یا اَبحار سیاہی
مرقوم نہ ہو پائیں گے اَوصافِ حمیدہ
 
ہر قلب کہاں فیض تری نعت کا پائے
ہر ذِہن کہاں عشق میں آہُوئے رَمیدہ
 
آقا تری رَحمت کے سمندر پہ نظر ہے
اَعمال میں سستی ہے مگر پختہ عقیدہ
 
یعنی میں مدینہ کی فَضاؤں میں کھڑا ہُوں !
حیران ہیں اَفکار تو نمناک ہے دیدہ
 
گُل آپؐ کی خاطر چنے با عرقِ ندامت
شبنم سے شرابور ہیں گُل ہائے چُنیدہ
 
یہ کہہ کے قلم قیسؔ مرا تتلی نے چوما
خوش بخت ہو لکھتے ہو محمدؐ کا قصیدہ
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC106">اِس شعر میں لکھ ڈالا ہے بنیادی عقیدہ</h3>
****************************************<BR>
<textarea rows="14" cols="40">
اِس شعر میں لکھ ڈالا ہے بنیادی عقیدہ
اَحمدؐ سا کوئی دُوسرا دیدہ نہ شنیدہ
 
جس کُن کی ہے تخلیق تری ذاتِ معظم
اُس کُن کے فضائل کا لکھے کون جریدہ
 
ہے علم بھی لازِم وَلے یہ ذِہن میں رَکھنا
پڑھ لکھ کے کوئی ہوتا نہیں عرش رَسیدہ
 
صد چاک ہے غفلت سے مگر تیری عِنایت
بھر سکتی ہے ہر عاصی کا دامانِ دَریدہ
 
اُٹھی ہیں مدینہ کو طلب گار نگاہیں
اُمت کے ہُوئے جاتے ہیں حالات کشیدہ
 
دامن مرا پُر کر دے ترے اَبرِ کرم سے
گلشن میں کھلیں پھول سرِ شاخِ بُریدہ
 
یہ بات کسی معجزے سے کم تو نہیں قیسؔ
ہم جیسے گنہ گار پڑھیں اُن کا قصیدہ
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC107">سر سے پا تک وہ گلابوں کا شجر لگتا ہے</h3>
****************************************<BR>
<textarea rows="14" cols="40">
سر سے پا تک وہ گلابوں کا شجر لگتا ہے
با وضو ہو کے بھی چھوتے ہوئے ڈر لگتا ہے
 
#بشیر_بدر
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC108">اِتنا خوش رَنگ کہ خوابوں کا نگر لگتا ہے</h3>
****************************************<BR>
<textarea rows="14" cols="40">
اِتنا خوش رَنگ کہ خوابوں کا نگر لگتا ہے
گنبدِ سبز سے یہ شہر گہر لگتا ہے
 
معذرَت اِہلِ مدینہ یہ جسارَت ہے مگر
ایک ہستی کے طفیل اَپنا ہی گھر لگتا ہے
 
پاؤں آقا نے اِنہی گلیوں میں رَکھے ہوں گے !
پاؤں رَکھتے ہُوئے ایمان سے ڈَر لگتا ہے
 
پلکیں جھاڑُو کے تصور سے دَمک اُٹھتی ہیں
راستہ آپؐ کی گر راہ گزر لگتا ہے
 
ہجر میں آپؐ کے نمناک فقط آنکھ نہیں
خون سے سینے میں کچھ اور بھی تر لگتا ہے
 
طاعتِ اَحمدِ مُرسلؐ کا شجر دِل میں لگا
اِس پہ جنت کی بشارَت کا ثمر لگتا ہے
 
ناز ہو جس کو محمدؐ کی غلامی پر قیسؔ
آنکھ والوں کو وُہی اِہلِ نظر لگتا ہے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC109">جو یہاں زیر ہُوا سب کو زَبر لگتا ہے</h3>
****************************************<BR>
<textarea rows="14" cols="40">
جو یہاں زیر ہُوا سب کو زَبر لگتا ہے
اِس لیے سب سے حسین آپؐ کا دَر لگتا ہے
 
ہم بھی پردیس میں جاں جانے سے ڈَرتے ہیں حضور
پر مدینے میں کسے موت سے ڈَر لگتا ہے
 
سنگ دِل شخص پہ قرآن مؤثر کیوں ہے ؟
سنگ ریزوں کی تلاوَت کا اَثر لگتا ہے
 
چھوڑ کر گردِشی تسبیح ہُوا ہے دو نیم
عارِف قصۂ معراج ، قمر لگتا ہے
 
جو محمدؐ کا نہیں ، دُنیا کو وُہ جو بھی لگے
اِہلِ کردار کو وُہ شخص صفر لگتا ہے
 
ایک صلوات اِدھر پڑھتے ہیں نمناک قلوب
اور پھل دار شجر ایک اُدھر لگتا ہے
 
عالمِ مرگِ غلامانِ محمدؐ بھی قیسؔ
نُور ملبوس عقیدت کا سفر لگتا ہے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1010">غیر لیں محفل میں بوسے جام کے</h3>
****************************************<BR>
<textarea rows="14" cols="40">
غیر لیں محفل میں بوسے جام کے
ہم رہیں یوں تشنہ لب پیغام کے
 
#مرزا غالب
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1011">جام کے بوسے بھلا کس کام کے</h3>
****************************************<BR>
<textarea rows="14" cols="40">
جام کے بوسے بھلا کس کام کے
منتظر ہیں ہم کسی پیغام کے
 
اَپنی مرضی رَوز شب کرتے رہے
اور شکوے چرخِ نیلی فام کے ؟
 
خط لکھیں گے اور مطلب کیوں نہ ہو
نامے موضوع کے بنا کس کام کے
 
آپ سے یہ دَست بستہ عرض ہے
مے کو دَھبے نہ کہو اِحرام کے
 
دائرہ دَر دائرہ دَر دائرہ
ہلکے ہلکے حلقے ہیں اِک دام کے
 
آ گئے گل ، سیر گلشن کے لیے
دِن پھرے ہیں گردشِ اِیام کے
 
عشق نے تو قیسؔ زِندہ کر دِیا
وَرنہ ہم تو آدمی تھے نام کے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1012">سنا ہے لوگ اسے آنکھ بھر کے دیکھتے ہیں</h3>
****************************************<BR>
<textarea rows="14" cols="40">
سنا ہے لوگ اسے آنکھ بھر کے دیکھتے ہیں
سو اس کے شہر میں کچھ دن ٹھہر کے دیکھتے ہیں
 
#احمد_فراز
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1013">قلم کو بابِ تمنا پہ دَھر کے دیکھتے ہیں</h3>
****************************************<BR>
<textarea rows="14" cols="40">
قلم کو بابِ تمنا پہ دَھر کے دیکھتے ہیں
خُمِ فراز سے اِک جام بھر کے دیکھتے ہیں
 
سفر کے تاروں نے کیا کُوچ کا بتانا تھا
کہ وُہ تو پیروں کو رَشکِ قمر کے دیکھتے ہیں
 
ہنر ملا ہے جنہیں شاعری کا ، اُن کا نصیب
کہ ہم تو معجزے خونِ جگر کے دیکھتے ہیں
 
ہر ایک ذات میں اُس کی کوئی نشانی ہے
کرشمے حُسن میں رَب کے ہُنر کے دیکھتے ہیں
 
سنا ہے اُس نے یوں اَنگڑائی لی کہ حسرت سے
پری جمال ، کمال اِک بشر کے دیکھتے ہیں
 
سنا ہے جب وُہ کبھی نچلا لب چباتے ہیں
تو پھول پنکھڑی کو دُہرا کر کے دیکھتے ہیں
 
سنا ہے کروٹیں گنتا ہے چاند ، راتوں کو
کئی ستارے تو چھت پر اُتر کے دیکھتے ہیں
 
سنا ہے چال پہ ہے آنکھ ، راج ہنسوں کی
غزال کُوچۂ جاں سے گزر کے دیکھتے ہیں
 
سنا ہے بوند جو پانی کی لب کو چھُو کے گری
شراب خانے اُسے آہ بھر کے دیکھتے ہیں
 
سنا ہے رُوپ کا دَرپن ہے رَقص کرتا کنول
حسین غنچے اُسے بن سنور کے دیکھتے ہیں
 
سنا ہے عید کا چاند اُن کی راہ تکتا ہے
خوشی کے دیپ ، قدم خوش نظر کے دیکھتے ہیں
 
سنا ہے بادَلوں پہ جب وُہ پاؤں دَھرتے ہیں
تو اَبر کو تو سمندر بپھر کے دیکھتے ہیں
 
سنا ہے بس سے ہو باہر اَگر مسیحا کے
تو خاک قدموں کی تجویز کر کے دیکھتے ہیں
 
سنا ہے زینہ اُترتا ہے یوں وُہ مست غزال
کہ حرف چٹکلے زِیر و زَبر کے دیکھتے ہیں
 
سنا ہے ایک تو چوری کی اِملی کھاتے ہیں
زَباں پہ لیموں کی پھر بوند دَھر کے دیکھتے ہیں
 
سنا ہے آئینے سے خاصے بے تَکلُفّ ہیں
سو ہم بھی دُوسری جانب اُتر کے دیکھتے ہیں
 
سنا ہے فاختہ کے با اَدب ترانے پر
شجر رُکوع میں بھی دَم خم کمر کے دیکھتے ہیں
 
سنا ہے جگنو کوئی زُلف میں رہا شب بھر
ستارے نخرے اَب اُس مفت بر کے دیکھتے ہیں
 
سنا ہے مورنی شاگردِ خاص ہے اُن کی
سو مور رَقص اُسی مست گر کے دیکھتے ہیں
 
سنا ہے جان کنی مشغلہ ہے ملکہ کا
اِسی بہانے ملاقات کر کے دیکھتے ہیں
 
سنا ہے دُھوپ میں بارِش ہے زُلف چہرے پر
خوشی سے اَبر اُسے ہر نگر کے دیکھتے ہیں
 
سنا ہے جل پری ، جلتی ہے اُن کے پیروں سے
گڑھے کو گالوں کے چکر بھنور کے دیکھتے ہیں
 
سنا ہے جب کبھی آزادۂ قبا ہو نگار
نظر جھکا کے قبا ، دیپ گھر کے دیکھتے ہیں
 
سنا ہے نُور کا ہالہ ہے بانکی نار پہ یوں
کہ دید خواہ تو بس اُس کو مر کے دیکھتے ہیں
 
سنا ہے چُوڑیوں سے دِل کے تار بجتے ہیں
سنا ہے گھنگھرو کو نغمے ٹھہر کے دیکھتے ہیں
 
حیا کی برق دَرخشاں ہے شوخ آنکھوں میں
جواہرات کرشمے گہر کے دیکھتے ہیں
 
سنا ہے مندروں میں اِس لیے نہیں جاتے
کہ بُت بھی سجدے ، مہا بُت کو کر کے دیکھتے ہیں
 
سنا ہے دِیویاں اُس کی کنیزِ اَدنیٰ ہیں
خزینے پاؤں تلے خشک و تر کے دیکھتے ہیں
 
بتوں کا واسطہ دے کر پجاری پہنچے ہُوئے
غبارِ راہ سے دامن کو بھر کے دیکھتے ہیں
 
سنا ہے شوخ ، خوشی سے جو کھلکھلا اُٹھے
طلائی جھرنے ہنسی کو ٹھہر کے دیکھتے ہیں
 
کلی پہ بیٹھی کسی تتلی پر جھکا ہے کوئی
اُجالے جلوے کسی بے خبر کے دیکھتے ہیں
 
پکار اُٹھتے ہیں یہ نقل ہے حنا کی مری
جو نقش غور سے تتلی کے پر کے دیکھتے ہیں
 
بدن کی چاندنی کو دُھوپ جب لگاتے ہیں
قمر مریخ کے ، ہالے کمر کے دیکھتے ہیں
 
سنا ہے خوشبو کے تالاب میں نہا دھو کر
نسیمِ صبح کو تن زیب کر کے دیکھتے ہیں
 
سنا ہے خواب اُنہیں اِس لئے نہیں آتے
کہ خواب سب ہی کسی اَعلیٰ تر کے دیکھتے ہیں
 
جو خواب دیکھتے بھی ہیں تو صرف شیش مَحَل
سو خود بھی جلوے رُخِ فتنہ گر کے دیکھتے ہیں
 
سنا ہے خوشبو کی بارِش ہے گُل بدن کا وُجود
گلاب راستے خوشبو کے گھر کے دیکھتے ہیں
 
لب اِتنے میٹھے کہ اَنگور اُن کو کھٹا کہیں
وُہ جب شراب کا اِک گھونٹ بھر کے دیکھتے ہیں
 
سنا ہے شہد کی بوندوں کے چند پروانے
گلاس پر لگی سرخی پہ مر کے دیکھتے ہیں
 
سنا ہے چاندنی سے وُہ حنا لگاتے ہیں
کلی چٹکنے کو پازیب کر کے دیکھتے ہیں
 
جو اُس کی ظاہری معصومیت پہ واریں دِل
تمام عمر ، ضرر ، بے ضرر کے دیکھتے ہیں
 
سنا ہے غنچے کو بوسہ دِیا ہے خوش لب نے
تو ہم بھی وعدے سے اَپنے مکر کے دیکھتے ہیں
 
سنا ہے بوسے سے یہ کہہ کے جاں چھڑاتے ہیں
نہیں نہیں اَبھی سب پھول گھر کے دیکھتے ہیں
 
سنا ہے سامری بعد اَز ہزار جل تو جلال
طلائی بچھڑے کا دِل دان کر کے دیکھتے ہیں
 
سنا ہے ہاتھ پہ جب تتلی وُہ بٹھاتے ہیں
عُقاب اَپنی قبائیں کُتر کے دیکھتے ہیں
 
حجاب زادی پہ خوشبو کا نُور اُترتا ہے
حریمِ حُسن ستارے سَحَر کے دیکھتے ہیں
 
وُہ جس پہ مرتا ہے آخر وُہ چیز کیا ہو گا
ہم اُس کے دِل میں کسی دِن اُتر کے دیکھتے ہیں
 
وُہ خواب ہے کہ فُسوں ، جن ، پری کہ جانِ جُنوں
سب اُس کے حُسن کو تھوڑا سا ڈَر کے دیکھتے ہیں
 
جلالِ حُسن پہ حیرت سے دَنگ اِہلِ سُخن
قلم زَمین پہ اِہلِ نظر کے دیکھتے ہیں
 
ہمیشہ زُعم سے اُس پر غزل شروع کی قیس !
ہمیشہ بے بسی پہ ختم کر کے دیکھتے ہیں
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1014">میں کہ پرشور سمندر تھے مرے پاؤں میں</h3>
****************************************<BR>
<textarea rows="14" cols="40">
میں کہ پرشور سمندر تھے مرے پاؤں میں
اب کہ ڈوبا ہوں تو سوکھے ہوئے دریاؤں میں
 
#احمد_فراز
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1015">ایک سر چھوڑ کے آیا تھا جہاں پاؤں میں</h3>
****************************************<BR>
<textarea rows="14" cols="40">
ایک سر چھوڑ کے آیا تھا جہاں پاؤں میں
مدتوں بعد میں لوٹا ہُوں اُسی گاؤں میں
 
اُس کی خاطر تو جوانی میں جبیں رَگڑی تھی
خانقاہوں میں ، معابد میں ، کلیساؤں میں
 
قبر پر گرتے ہی روتے ہُوئے گُل پھینک دِیئے
اَدھ مٹے کتبے کی آسیب زَدہ چھاؤں میں
 
اَب سمندر مری آہوں کا نمک چکھنے لگے
دِل جلے روتے نہیں جھیل میں ، دَریاؤں میں
 
گر بچا پاؤں اِنہیں تو یہ بچائیں گے مجھے
گھِر گیا ہُوں میں سوا لاکھ مسیحاؤں میں
 
ہائے مالک تری رَحمت کے میں صدقے جاؤں
اِک غزل ہُو بہُو ایسی تھی تمناؤں میں
 
دَشت میں ریت کے طوفان نہیں آتے جناب
قیسؔ کی رُوح کی یلغار ہے صحراؤں میں
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1016">اس کا اپنا ہی کرشمہ ہے فسوں ہے یوں ہے</h3>
****************************************<BR>
<textarea rows="14" cols="40">
اس کا اپنا ہی کرشمہ ہے فسوں ہے یوں ہے
یوں تو کہنے کو سبھی کہتے ہیں یوں ہے یوں ہے
 
#احمد_فراز
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1017">کوئی مر جائے تو کیوں کہتے ہو یوں ہے ، یوں ہے</h3>
****************************************<BR>
<textarea rows="14" cols="40">
کوئی مر جائے تو کیوں کہتے ہو یوں ہے ، یوں ہے
دَرد کے آخری دَرجے پہ سُکوں ہے ، یوں ہے
 
جسم سینے کے جو ماہر ہیں اُنہیں کیا معلوم
زَخم کی نوک فقط دِل سے بروں ہے ، یوں ہے
 
آئینہ نقل کرے تیری ؟ کہاں ممکن ہے
ذائقہ ، خوشبو ، صدا ، لمس ، فُزُوں ہے ، یوں ہے
 
کُن کہا یا مرے معبود ہمیں سمجھایا ؟
کُن کہے عشق تو دُنیا فیکوں ہے ، یوں ہے
 
بعض شعروں سے تو ہم پھر سے جنم لیتے ہیں
شاعری ذِہن کی خلقت کا فُسُوں ہے ، یوں ہے
 
ہم نے یک طرفہ محبت میں جلا دی کشتی
یار کی سمت سے نہ ہاں ہے نہ ہُوں ہے ، یوں ہے
 
زَہر کے خالی پیالے نے یہ سمجھایا قیسؔ
عقل کے آخری دَرجے پہ جنوں ہے ، یوں ہے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1018">گریز شب سے سحر سے کلام رکھتے تھے</h3>
****************************************<BR>
<textarea rows="14" cols="40">
گریز شب سے سحر سے کلام رکھتے تھے
کبھی وہ دن تھے کہ زلفوں میں شام رکھتے تھے
 
#نوشی_گیلانی
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1019">سَحَر گُریز تھے شب سے کلام رَکھتے تھے</h3>
****************************************<BR>
<textarea rows="14" cols="40">
سَحَر گُریز تھے شب سے کلام رَکھتے تھے
سویرا بانٹتے تھے ، گھر میں شام رَکھتے تھے
 
کھڑے ہیں باندِیوں کی صف میں بھی سفارِش سے
ہمارے جیسے جو سو سو غلام رَکھتے تھے
 
کسی نے دِل لگی جانا مگر ہمارا دِل
خدا کا گھر تھا مسافر قیام رَکھتے تھے
 
عجب نہیں کہ اُنہیں دوستی نہ راس آئی
جو رُخ ہَوا سا بدلنے میں نام رَکھتے تھے
 
وُہ رُت بھی بھول گئے پھر بھی محترم ’’ہیں‘‘ مجھے
کہ میرا دِل میں بہت اِحترام رَکھتے ’’تھے‘‘
 
دِئیے تو کچھ بھی نہیں قیسؔ اُس کے رَستوں پر
چراغِ قلب و نظر صبح و شام رَکھتے تھے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1020">خوشبوؤں کا ایک نگر آباد ہونا چاہیے</h3>
****************************************<BR>
<textarea rows="14" cols="40">
خوشبوؤں کا ایک نگر آباد ہونا چاہیے
اس نظام زر کو اب برباد ہونا چاہیے
 
#عطاء_الحق_قاسمی
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1021">چاند پر اِک مے کدہ آباد ہونا چاہیے</h3>
****************************************<BR>
<textarea rows="14" cols="40">
چاند پر اِک مے کدہ آباد ہونا چاہیے
یا محبت کو یہیں آزاد ہونا چاہیے
 
خوبصورَت تتلیوں نے کھول کر رَکھ دی کتاب
غنچوں کی جانب سے کچھ اِرشاد ہونا چاہیے
 
خواہشِ جنت میں کرتے ہیں جو زاہد نیکیاں
نام اُن کا ’’ متقی شدّاد ‘‘ ہونا چاہیے
 
عشق کی گیتا کے ’’ پچھلے ‘‘ نسخوں میں یہ دَرج تھا
طالبانِ حُسن کو فولاد ہونا چاہیے
 
وَصلِ شیریں تو خدا کی مرضی پر ہے منحصر
عاشقوں کو محنتی فرہاد ہونا چاہیے
 
نامور عُشاق کی ناکامی سے ثابت ہُوا
عشق کے مضمون کا اُستاد ہونا چاہیے
 
علم کا اَنبار راہِ عشق میں بے کار ہے
قیسؔ کو بس لیلیٰ کا گھر یاد ہونا چاہیے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1022">عمر اَشکوں میں کٹی اَب شاد ہونا چاہیے</h3>
****************************************<BR>
<textarea rows="14" cols="40">
عمر اَشکوں میں کٹی اَب شاد ہونا چاہیے
موت کر ہی دے گی ، خود آزاد ہونا چاہیے
 
قاضیء مِحشَر! تری مرضی ، ہماری سوچ ہے
ظالموں کو دُنیا میں برباد ہونا چاہیے
 
دُوسروں کے عیب گنوانا اَدَب سے دُور ہے
سب کو اَپنے کام کا نقاد ہونا چاہیے
 
خون سے خط لکھ تو لُوں پر پیار کے اِظہار کا
راستہ آسان تر ایجاد ہونا چاہیے
 
چاند پر جس نے پڑھا ہے نام اَپنے پیر کا
چاند پر جا کر اُسے آباد ہونا چاہیے
 
رُوح کے بے رَنگ اُفق پر ، رات بھر گونجی ندا
دِل پرندہ ، فکر سے آزاد ہونا چاہیے
 
ساتواں دَر ’’ توڑنے ‘‘ پر خون سے لکھا تھا قیسؔ :
’’ہر سفر کا جانِ من اُستاد ہونا چاہیے‘‘
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1023">نہ آیا ہوں نہ میں لایا گیا ہوں</h3>
****************************************<BR>
<textarea rows="14" cols="40">
نہ آیا ہوں نہ میں لایا گیا ہوں
میں حرفِ کن ہوں فرمایا گیا ہوں
 
#واصف_علی_واصف
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1024">بُتوں کے سر پہ برسایا گیا ہُوں</h3>
****************************************<BR>
<textarea rows="14" cols="40">
بُتوں کے سر پہ برسایا گیا ہُوں
خدا کے حق میں بھڑکایا گیا ہُوں
 
مجھے دیوار کا شک تک نہیں ہے
بدن میں خوب چنوایا گیا ہُوں
 
ہے جبر و اِختیار اِتنا سا صاحب
میں اَپنی مرضی سے ’’ لایا ‘‘ گیا ہُوں
 
کئی اَزلوں کی واحد اِلتجا ہُوں
خدا سے کہہ کے بنوایا گیا ہُوں
 
فقط اِک چھَن پہ سر دُھننے کی خاطر
ہزاروں بار جڑوایا گیا ہُوں
 
مجھے جنت کی ہر نعمت پہ شک ہے
جہاں میں اِتنا ترسایا گیا ہُوں
 
خِرد رَستہ دِکھائے قیسؔ کیسے
خِرد میں ہی تو اُلجھایا گیا ہُوں
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1025">تمناؤں میں الجھایا گیا ہوں</h3>
****************************************<BR>
<textarea rows="14" cols="40">
تمناؤں میں الجھایا گیا ہوں
کھلونے دے کے بہلایا گیا ہوں
 
#شاد_عظیم_آبادی
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1026">کئی خط لکھ کے بلوایا گیا ہُوں</h3>
****************************************<BR>
<textarea rows="14" cols="40">
کئی خط لکھ کے بلوایا گیا ہُوں
سلیقے سے میں ٹھکرایا گیا ہُوں
 
کھلونے توڑ دیتا تھا میں شاید
تسلی دے کے بہلایا گیا ہُوں
 
مرا ہر جملہ لکھا جا رہا تھا
حوالہ دے کے جھٹلایا گیا ہُوں
 
معافی مانگ لی شکوہ سنے بن
بہت عجلت میں بھگتایا گیا ہُوں
 
غبارہ ہو کے بھی میں خوش تھا لیکن
کسی بچے کو پکڑایا گیا ہُوں
 
مرا اور سیپ کا یہ اَلمیہ ہے
میں چند لمحوں کو اَپنایا گیا ہُوں
 
بقایا عمر گزری قیسؔ کیوں میں
میں پہلی رات ٹھکرایا گیا ہُوں
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1027">مرتی ہوئی زمین کو بچانا پڑا مجھے</h3>
****************************************<BR>
<textarea rows="14" cols="40">
مرتی ہوئی زمین کو بچانا پڑا مجھے
بادل کی طرح دشت میں آنا پڑا مجھے
 
#حسن_عباسی
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1028">سُورَج پہ اَشکِ عشق گرانا پڑا مجھے</h3>
****************************************<BR>
<textarea rows="14" cols="40">
سُورَج پہ اَشکِ عشق گرانا پڑا مجھے
بجھتا ہُوا چراغ جلانا پڑا مجھے
 
اِنسان کے ضمیر میں تھا حبس اِس قَدَر
تاریکیوں کو پانی پلانا پڑا مجھے
 
تم لوگ جھوٹے قصوں کے قلعے میں دَفن ہو
کاندھا ہلا ہلا کے بتانا پڑا مجھے
 
پہلے پہل کے خواب کی تعبیر کے لیے
پہلو نصیحتوں سے بچانا پڑا مجھے
 
دِل میں خدا مقیم تھا پر بات چیت کو
خود کو طرح طرح سے ہرانا پڑا مجھے
 
طوطا نگر میں حافظہ واحد اُصول تھا
تازہ خیال لکھ کے مٹانا پڑا مجھے
 
ہر چیز یوں نظام کے چنگل میں قید تھی
اَپنا لہو خرید کے لانا پڑا مجھے
 
اِک بے مثال جھوٹ کی سرکُوبی کے لیے
دو بار عہدِ ماضی میں جانا پڑا مجھے
 
غصے میں لات ماری جو کبڑے نظام کو
ہر پرزہ پھر صفر سے بنانا پڑا مجھے
 
دُہرا نہ سکی پھر وُہ کبھی اَپنے آپ کو
تاریخ کو تَنَوُّع پڑھانا پڑا مجھے
 
ٹُوٹے ہُوئے ستاروں سے ہر جھولی بھر گئی
ہلکا سا آسمان ہلانا پڑا مجھے
 
تقسیم منصفانہ وَسائل کی چل پڑی
تقدیر کو حساب سکھانا پڑا مجھے
 
اِک بے خطا وُجود نے جب جانور کہا
غصے سے اُس کو ہنس کے دِکھانا پڑا مجھے
 
بستی بَدَر کیا جو کسی اَفلاطون نے
اِک شہر شاعروں کا بسانا پڑا مجھے
 
کرتا نہیں تھا ہجر کے ماروں کا اِحترام
موسم کو تازِیانہ لگانا پڑا مجھے
 
سائے میں بیٹھے مانگتے تھے سائے کی دُعا
دیوار میں دَرخت اُگانا پڑا مجھے
 
تعلیم رُوکھی سُوکھی کی سب کو عزیز تھی
قارُون کا خزانہ دَبانا پڑا مجھے
 
موتی کی بھیک اُچھالی جو مکار سیپ نے
پانی پہ اُس کو چل کے دِکھانا پڑا مجھے
 
ٹھنڈی ہَوائیں عشق کی سب تک پہنچ گئیں
دو چار سو کا چولہا بجھانا پڑا مجھے
 
آنکھوں کا پانی مرتے ہی کاجل کی ریت پر
اِک جھیل کا جنازہ پڑھانا پڑا مجھے
 
مندر ، حرم ، کلیسا میں کچھ دیر تُو رہا
لیکن کِرایہ پورا چکانا پڑا مجھے
 
باہر تھی مجرموں کو کھلی چھٹی اِس لیے
زِنداں میں رات لوٹ کے آنا پڑا مجھے
 
روشن ضمیر ہونے کی یہ پہلی شرط تھی
اَپنے لبوں پہ تالہ لگانا پڑا مجھے
 
سب لوگ پہلے دیکھتے تھے کس کا قول ہے
نہ چاہ کر بھی نام کمانا پڑا مجھے
 
رَستے تو باقی سارے ہی کھلتے چلے گئے
بس خود میں آرزُو کو جگانا پڑا مجھے
 
اَفسوس ! راہِ راست پہ لانے کے واسطے
اِنسان کو خدا سے ڈَرانا پڑا مجھے
 
کھائے گی اَگلی نسل ثمر اِس کا غالباً
اِنسانیت کا پیڑ لگانا پڑا مجھے
 
پوچھا گیا جو سب سے بڑا باغی کون ہے
دیمک کے سر پہ تاج سجانا پڑا مجھے
 
جعلی نمائندوں کی تھی بھرمار اِس قَدَر
خود اَپنی اُنگلی تھام کے آنا پڑا مجھے
 
سنگلاخ نظریات کی اَندھی چٹان پر
حیرت کا پہلا قطرہ گرانا پڑا مجھے
 
ہر کم نظر سے معنی کا جگنو بچانے کو
اَلفاظ کا دَرخت جلانا پڑا مجھے
 
کٹھ پتلیوں پہ اُن کی حقیقت نہ کھل سکی
مجبوراً اُنگلیوں پہ نچانا پڑا مجھے
 
سنجیدہ محفلوں میں مدبر بڑوں کو قیس
پسلی پہ چاقو رَکھ کے ہنسانا پڑا مجھے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1029">آواز دے کے خود کو بلانا پڑا مجھے</h3>
****************************************<BR>
<textarea rows="14" cols="40">
آواز دے کے خود کو بلانا پڑا مجھے
اپنی مدد کو آپ ہی آنا پڑا مجھے
 
#منیر _سیفی
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1030">کلیوں سے اِک مزار سجانا پڑا مجھے</h3>
****************************************<BR>
<textarea rows="14" cols="40">
کلیوں سے اِک مزار سجانا پڑا مجھے
قدموں میں اُس کے لوٹ کے آنا پڑا مجھے
 
دو آنکھیں ایک وعدے کی تھیں اِتنی مُنتَظِر
تابوت میں دَریچہ بنانا پڑا مجھے
 
اُس نے دِکھائی بھی تھی مجھے پُڑیا زَہر کی
گاؤں سے پھر بھی شہر میں آنا پڑا مجھے
 
رَب جانے کیا کمی تھی نئے کمرے میں مرے
اِک کونا آنسوؤں سے سجانا پڑا مجھے
 
دِن رات کے حساب سے جب تنگ آ گیا
زِنداں میں ایک پودا لگانا پڑا مجھے
 
آنکھیں تھیں سخت سُوجی ہُوئیں اُس کی خواب میں
دَریا میں ایک دیپ بہانا پڑا مجھے
 
باقاعدہ وُہ دیر سے آنے لگا تھا قیسؔ
سُورَج کو دِل کا داغ دِکھانا پڑا مجھے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1031">روٹی پہ آڑُو رَکھ کے پکانا پڑا مجھے</h3>
****************************************<BR>
<textarea rows="14" cols="40">
روٹی پہ آڑُو رَکھ کے پکانا پڑا مجھے
کچھ یوں پکا کہ پِزّا منگانا پڑا مجھے
 
دو یار سُن رہے تھے کہ تین اور آ گئے
پانی غزل میں اور بڑھانا پڑا مجھے
 
دِل میں بٹھاتا یار کو پر دِل میں کوئی تھا
کچھ روز اُس کو منہ میں بٹھانا پڑا مجھے
 
جج نے کہا ، صفائی میں کچھ ہے تمہارے پاس
سونے کا اُس کو دانت دِکھانا پڑا مجھے
 
پانی کی آدھی بالٹی اور اِہلِ غسل چار
مجبوری میں چراغ بجھانا پڑا مجھے
 
کانوں میں چابی پھیرتے دیکھا جو بار بار
اِخلاقاً اُس کو دَھکا لگانا پڑا مجھے
 
باقاعدہ وُہ دیر سے آنے لگا تھا قیسؔ
دِلبر کو سرخ کارڈ دِکھانا پڑا مجھے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1032">آبِ انگور سے وضُو کر لو</h3>
****************************************<BR>
<textarea rows="14" cols="40">
آبِ انگور سے وضُو کر لو
دوستو! بیعت سبُو کر لو
 
#ساغر صدیقی
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1033">اَشکِ پرُ نور سے وُضو کر لو</h3>
****************************************<BR>
<textarea rows="14" cols="40">
اَشکِ پرُ نور سے وُضو کر لو
ساغرو ! توبہ اَز سَبُو کر لو
 
گھُپ اَندھیرے کو رات بھر دیکھو
پھر ’’ خموشی ‘‘ سے گفتگو کر لو
 
نوکِ مژگاں کی منتیں کر کے
چاک دامانِ دِل رَفو کر لو
 
قبرِ ساغرؔ پہ آئے ہو شہزاد
چند غزلوں کی آرزُو کر لو
 
پانچویں دِن وُہ سامنے ہو گا
چار دِن تک تو جستجو کر لو
 
عشق میں اَپنی عقل نہ برتو
جو کہے یار ہُو بَہُو کر لو
 
قیسؔ ’’ ساغر ‘‘ کے توبہ کرتے ہی
چپکے سے بیعتِ سَبو کر لو
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1034">دِل کو تنہائی میں رَفُو کر لو</h3>
****************************************<BR>
<textarea rows="14" cols="40">
دِل کو تنہائی میں رَفُو کر لو
عاشقو ! اَشکوں سے وُضو کر لو
 
حشر کا دِن اِسی لیے تو ہے
جو بھی شکوہ ہے رُوبرُو کر لو
 
ہاؤ ہُو حجروں تک رہے محدود
سامنے سب کے اَللہ ہُو کر لو
 
پہلے اِبلیس کا بیان سنو
پھر فرشتوں سے گفتگو کر لو
 
جب تلک پاؤں ساتھ دیتے ہیں
جستجو ’’ اَپنی ‘‘ کُو بہ کُو کر لو
 
حُسن والے خدا بہت دے گا
زَخم کھانے کی آرزُو کر لو
 
یاد میں تین سو بُتوں کی قیسؔ
خود کو کچھ دیر قبلہ رُو کر لو
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1035">عطا جسے تیرا عکس جمال ہوتا ہے</h3>
****************************************<BR>
<textarea rows="14" cols="40">
عطا جسے تیرا عکس جمال ہوتا ہے
وہ پھول سارے گلستاں کا لال ہو تا ہے
 
#ساغر صدیقی
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1036">غُرورِ حُسن میں شاہی جلال ہوتا ہے</h3>
****************************************<BR>
<textarea rows="14" cols="40">
غُرورِ حُسن میں شاہی جلال ہوتا ہے
پری رُخوں کا سبھی کچھ کمال ہوتا ہے
 
تراش ایسی کہ رُکتی ہے سانس دَھڑکن کی
پھر اُس پہ چلنا قیامت کی چال ہوتا ہے
 
قسم خدا کی اے لفظوں سے ماورا لڑکی
بدن اور ایسا بدن ، خال خال ہوتا ہے
 
پناہ بادَلوں میں ڈُھونڈتا ہے ماہِ تمام
جو بے حجاب وُہ زُہرہ جمال ہوتا ہے
 
خدا ہی جانے اُسے چوم لیں تو پھر کیا ہو
جو گال نام سے بوسے کے لال ہوتا ہے
 
اَگر وُہ لب نظر آئیں تو زُلف بھی دیکھو
ہر ایک دانے پہ موجود جال ہوتا ہے
 
نگاہِ قیسؔ سے دیکھو ، ہمیشہ لیلیٰ کو
صنم کسی کا بھی ہو ، بے مثال ہوتا ہے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1037">کتابیں چاٹنے میں کب کمال ہوتا ہے</h3>
****************************************<BR>
<textarea rows="14" cols="40">
کتابیں چاٹنے میں کب کمال ہوتا ہے
جو عشق کرتا ہے وُہ خوش خیال ہوتا ہے
 
نقاب والیوں کے پیچھے نہ بھٹک لڑکے
کہ باحجاب حسیں ، خال خال ہوتا ہے
 
بدن شراب میں دُھویا ہُوا طلسمِ خیال
کہ جیسے نیند میں کم سن غزال ہوتا ہے
 
جو وَقتِ رُخصتِ محمل ، تھا حال مجنوں کا
کچھ ایسا حال مرا سارا سال ہوتا ہے
 
وُہ اَپنے عاشقوں کا ، ذِکر چھیڑ دیتے ہیں
مرے فرار کا جب اِحتمال ہوتا ہے
 
شکار ہونے کی لذت پہ مرتی ہیں شاید
وَگرنہ مچھلیوں کے پاس جال ہوتا ہے
 
میں اُن کو دیکھتے ہی قیسؔ ہوش کھو دُوں گا
کہ پاگلوں پہ سبھی کچھ حلال ہوتا ہے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1038">صنم کو دیکھ کے اَپنا یہ حال ہوتا ہے</h3>
****************************************<BR>
<textarea rows="14" cols="40">
صنم کو دیکھ کے اَپنا یہ حال ہوتا ہے
خدا سے گہرا تعلق بحال ہوتا ہے
 
خطیب مخرجِ زیر و زَبر میں اَٹکا ہُوا
بِلال عشق کے بل پر بِلال ہوتا ہے
 
فرشتے دِل نہیں رَکھتے ، یقین آتا ہے
کسی حسینہ کا جب اِنتقال ہوتا ہے
 
دُعا ہے عشق مرا ، تیری رُوح تک پہنچے
یہی نشاط فقط لازَوال ہوتا ہے
 
کسی شجر پہ پکے پھل نے مسکرا کے کہا
یہ عشق روزِ اَزل سے وَبال ہوتا ہے
 
وُفورِ آرزُو ، دَراَصل زِندگانی ہے
تمنا مرتی ہے تب اِنتقال ہوتا ہے
 
ہر ایک شخص میں خوبی تلاش کرنا قیسؔ
خدا تو جو بھی بنائے کمال ہوتا ہے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1039">حسین باتوں کا کب اِنتقال ہوتا ہے</h3>
****************************************<BR>
<textarea rows="14" cols="40">
حسین باتوں کا کب اِنتقال ہوتا ہے
جو شعر دِل سے لکھو لازَوال ہوتا ہے
 
حقیقی شاعری حق الیقیں سے ہوتی ہے
تلاشِ فکر سے بس قیل و قال ہوتا ہے
 
ہمارے جیسوں کو دُنیا سمجھتی ہے شاعر
جب اِہلِ شعر کا قحط الرِجال ہوتا ہے
 
بنا عطا کے بڑے بھائی کچھ نہیں ملتا
کرم کی شرط پہ کسبِ کمال ہوتا ہے
 
جہانِ شعر کو صاحب خیالی مت جانو
کہ کُن سے پہلے سبھی کچھ خیال ہوتا ہے
 
صنم تراش سے کہہ دو خلوص کم کر دے
خدا پرستوں کا جینا مُحال ہوتا ہے
 
بضد ہیں حضرتِ واعظ تو ، توبہ کر لو قیسؔ
کہ مرتے وَقت سبھی کچھ حلال ہوتا ہے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1040">مثالِ پرتوِ مے طوفِ جام کرتے ہیں</h3>
****************************************<BR>
<textarea rows="14" cols="40">
مثالِ پرتوِ مے طوفِ جام کرتے ہیں
یہی نماز ادا صبح و شام کرتے ہیں
 
#علامہ_اقبال
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1041">خدا کے نام کا ہم اِحترام کرتے ہیں</h3>
****************************************<BR>
<textarea rows="14" cols="40">
خدا کے نام کا ہم اِحترام کرتے ہیں
مگر غزل یہ کسی بت کے نام کرتے ہیں
 
صراحی کا ہے مقدر ، نہ ساقیوں کا نصیب
جو کام ہونٹوں سے لگ کر یہ جام کرتے ہیں
 
کسی حسین کا لب کھولنا ضروری نہیں
گلاب خوشبو کے رَستے کلام کرتے ہیں
 
جو شعر میرے قلم تک رَسائی پا نہ سکیں
وُہ تتلیوں کے پروں پر قیام کرتے ہیں
 
سوانگ اَچھا رَچایا ہے حُسن والوں نے
کنیز بننے کا کہہ کر غلام کرتے ہیں
 
گلاب ، تتلی کی آمد پہ خَم ہوئے جیسے
غلام ، ملکہ کو جھک کر سلام کرتے ہیں
 
اُدھورا چھوڑنے سے یاد دوستوں کو رہے
غزل یہ قیسؔ یہیں پر تمام کرتے ہیں
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1042">حسابِ عمر کا اتنا سا گوشوارا ہے</h3>
****************************************<BR>
<textarea rows="14" cols="40">
حسابِ عمر کا اتنا سا گوشوارا ہے
تمہیں نکال کے دیکھا تو سب خسارا ہے
 
#امجد_اسلام_امجد
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1043">اِسی سہارے پہ دِن ہجر کا گزارا ہے</h3>
****************************************<BR>
<textarea rows="14" cols="40">
اِسی سہارے پہ دِن ہجر کا گزارا ہے
خیالِ یار ، ہمیں یار سے بھی پیارا ہے
 
صبا کا ، اَبر کا ، شبنم کا ہاتھ اَپنی جگہ
کلی کو پھول نے جھک جھک کے ہی نکھارا ہے
 
کسی کے ہاتھ پہ منہدی سے دِل بنا دیکھا
میں یہ بھی کہہ نہ سکا یہ تو دِل ہمارا ہے
 
نقاب پالکی میں بھول آئے کیوں حضرت
تمام شہر نے کیا آپ کا بگاڑا ہے
 
تم آسماں پہ نہ ڈُھونڈو سیاہ بدلی کو
کسی نے ہاتھ سے گیسو ذِرا سنوارا ہے
 
چلو بہارِ چمن لے کے گھر کو لوٹ چلیں
دَھنک کی لے میں کسی شوخ نے پکارا ہے
 
یہ ہاتھ چھوڑنے سے پیشتر خیال رہے
خدا کے بعد فقط آپ کا سہارا ہے
 
جو عمر بیت چکی وُہ حسابِ ہجر میں لکھ
جو سانس باقی ہے دُنیا میں وُہ تمہارا ہے
 
گھٹا ، صراحی ، دَھنک ، جھیل ، پنکھڑی ، شبنم
بدن ہے یا کسی شاعر کا اِستعارہ ہے
 
یقیں تھا اُس کو کہ ہم شعر اِن پہ کہہ لیں گے
خدا نے حُسن ، قلم دیکھ کر اُتارا ہے
 
صنم کو دیکھ کے ، کچی کلی نے ’’کھُل‘‘ کے کہا:
’’بہت ہی اُونچی جگہ قیسؔ ہاتھ مارا ہے‘‘
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1044">وہ جذبوں کی تجارت تھی یہ دل کچھ اور سمجھا تھا</h3>
****************************************<BR>
<textarea rows="14" cols="40">
وہ جذبوں کی تجارت تھی یہ دل کچھ اور سمجھا تھا
اسے ہنسنے کی عادت تھی یہ دل کچھ اور سمجھا تھا
 
#اسد_اللہ_شاہ
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1045">بغاوَت بھی سیاست تھی ، یہ دِل کچھ اور سمجھا تھا</h3>
****************************************<BR>
<textarea rows="14" cols="40">
بغاوَت بھی سیاست تھی ، یہ دِل کچھ اور سمجھا تھا
اُسے جلسوں کی عادَت تھی ، یہ دِل کچھ اور سمجھا تھا
 
پڑھے لکھے کئی اِہلِ قلم اُس کے ملازِم تھے
وُہ خود خالِص جہالت تھی ، یہ دِل کچھ اور سمجھا تھا
 
عوام الناس کو جمہورِیت کی راہ پر لانا
شہنشاہی سیاست تھی ، یہ دِل کچھ اور سمجھا تھا
 
غریبوں کی بھلا تقدیر کوئی کب بدلتا ہے
یہ نعرہ ہی حماقت تھی ، یہ دِل کچھ اور سمجھا تھا
 
اُسے اِک ’’ رویتِ قبلہ کمیٹی ‘‘ فون کرتی تھی
وُہ کٹھ پتلی بغاوت تھی ، یہ دِل کچھ اور سمجھا تھا
 
بھنور کا کشتیوں کی پہلی صف کو نہ نگلنا بھی
سمندر کی شرارَت تھی ، یہ دِل کچھ اور سمجھا تھا
 
لڑائی اَصل میں دو ہاتھیوں کے دَرمیاں تھی قیسؔ
جنہیں مہروں کی حاجت تھی ، یہ دِل کچھ اور سمجھا تھا
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1046">اے محبت ترے انجام پہ رونا آیا</h3>
****************************************<BR>
<textarea rows="14" cols="40">
اے محبت ترے انجام پہ رونا آیا
جانے کیوں آج ترے نام پہ رونا آیا
 
#شکیل_بدایونی
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1047">جو نہ آیا اُسی پیغام پہ رونا آیا</h3>
****************************************<BR>
<textarea rows="14" cols="40">
جو نہ آیا اُسی پیغام پہ رونا آیا
دَرد کی شدّتِ اِلہام پہ رونا آیا
 
بُت جو ٹُوٹا مجھے دیوار نے بڑھ کر تھاما
جانے کب تک کسی بدنام پہ رونا آیا
 
ضبط کا کالا کفن ، دَرد کا رُومال بنا
سر کٹی آس کو جب شام پہ رونا آیا
 
باندھ کر لے گئے دِل سونے کی ہتھکڑیوں میں
منصفانہ سہی ، نیلام پہ رونا آیا
 
سب مجھے جانتے ہیں اور مرا کوئی نہیں
پھُوٹ کر شہرتِ گمنام پہ رونا آیا
 
ہجر ، بے چارگی ، اَفسوس ، ندامت ، غصہ
آج غم کی سبھی اَقسام پہ رونا آیا
 
دِل لگانے کی خطا بھول نہیں پاتا قیسؔ
ماں ترے صبح کے بادام پہ رونا آیا
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1048">ضبط کی کوششِ ناکام پہ رونا آیا</h3>
****************************************<BR>
<textarea rows="14" cols="40">
ضبط کی کوششِ ناکام پہ رونا آیا
آنکھ کو دَرد کے اِلہام پہ رونا آیا
 
آئینہ دیکھا تو یک دَم لگا میں ہار گیا
یاس میں لِتھڑی ہُوئی شام پہ رونا آیا
 
شب اُترتے ہی ہُوئی دَرد کی بوندا باندی
چاند کو برف زَدہ بام پہ رونا آیا
 
جب کوئی اَچھا لگا آنکھ وَہیں بھیگ گئی
بھولنے بیٹھے تو ہر نام پہ رونا آیا
 
ایک منحوس نُجُومی پہ بہت پیار آیا
اور پھر پیار کے اَنجام پہ رونا آیا
 
یوں تو دُنیا میں کوئی شخص بھی اَنمول نہیں
تم بِکے جتنے میں اُس دام پہ رونا آیا
 
ایک دو وعدے بھُلا دینا تو آساں تھا قیسؔ
اَن گِنت وعدوں کے اَنجام پہ رونا آیا
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1049">تو نے دیکھا ہے کبھی ایک نظر شام کے بعد</h3>
****************************************<BR>
<textarea rows="14" cols="40">
تو نے دیکھا ہے کبھی ایک نظر شام کے بعد
کتنے چپ چاپ سے لگتے ہیں شجر شام کے بعد
 
#فرحت_عباس_شاہ
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1050">غم سے بھر جاتا ہے ، یوں دیدۂ تر ، شام کے بعد</h3>
****************************************<BR>
<textarea rows="14" cols="40">
غم سے بھر جاتا ہے ، یوں دیدۂ تر ، شام کے بعد
کچھ بھی آتا نہیں ، نظروں کو نظر ، شام کے بعد
 
یادِ جاناں کے چراغ ، اَشکوں سے لبریز ہوئے
دِل میں آباد ہُوا دیپ نگر ، شام کے بعد
 
نیم جاں ہو کے ، یوں کونے میں پڑے ہیں ، جیسے
دُھوپ میں رَکھا ہُوا ، موم کا گھر ، شام کے بعد
 
گل کے رُخسار پہ ، تتلی رِہی ، دِن بھر رَقصاں
گُل کے پہلو میں گرا ، تتلی کا پر ، شام کے بعد
 
گفتگو کرتی ہے ، ’’ دیوار ‘‘ جو دیوانے سے
دیکھنے لگتا ہے ، دیوار کو ’’ دَر ‘‘ ، شام کے بعد
 
زیست اِس طرح سے ، کاندھوں پہ لئے پھرتے ہیں
جیسے بیمار مسافر کا سفر ، شام کے بعد
 
قیسؔ ! یہ فکرِ سخن نہ ہو تو شب کیسے کٹے !
دِل تو کہتا ہے کہ توُ کچھ بھی نہ کر ، شام کے بعد
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1051">انسان کی عظمت کو ترازو میں نہ تولو</h3>
****************************************<BR>
<textarea rows="14" cols="40">
انسان کی عظمت کو ترازو میں نہ تولو
انسان تو ہر دور میں انمول رہا ہے
 
#شاعر_نامعلوم
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1052">سانسوں میں بغاوَت کا سُخن بول رہا ہے</h3>
****************************************<BR>
<textarea rows="14" cols="40">
سانسوں میں بغاوَت کا سُخن بول رہا ہے
تقدیر کے فرزَند کا دِل ڈول رہا ہے
 
اَفلاک کی وُسعت پہ تلاطُم ہی تلاطُم
شاہین اَبھی پرواز کو پر تول رہا ہے
 
چیتے کی گرج دار صدا ، قومی ترانہ
شیروں کا شروع سے یہی ماحول رہا ہے
 
پرواز کی قیمت پہ ملے رِزق تو لعنت
غیور پرندوں کا یہی قول رہا ہے
 
یہ چاند ہے کشکول نہیں حاکمِ کِشور
پرچم کو ذِرا دیکھ یہ کچھ بول رہا ہے
 
اِنسان ہی ہر چیز سے سستا ہے جہاں میں
اِنسان ہی ہر دور میں اَنمول رہا ہے
 
چپ چاپ ہے قیسؔ آج بھی تاریخِ ندامت
اِنکارِ جُنوں کانوں میں رَس گھول رہا ہے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1053">دشت میں پیاس بجھاتے ہوئے مر جاتے ہیں</h3>
****************************************<BR>
<textarea rows="14" cols="40">
دشت میں پیاس بجھاتے ہوئے مر جاتے ہیں
ہم پرندے کہیں جاتے ہوئے مر جاتے ہیں
 
#عباس_تابش
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1054">خون میں اَشک ملاتے ہُوئے مر جاتے ہیں</h3>
****************************************<BR>
<textarea rows="14" cols="40">
خون میں اَشک ملاتے ہُوئے مر جاتے ہیں
کام پر جان لڑاتے ہُوئے مر جاتے ہیں
 
آسماں تکتے ہیں کچھ دیر کو نم آنکھوں سے
اور پھر رِزق کماتے ہُوئے مر جاتے ہیں
 
چھت بھی برسات میں رو پڑتی ہے غم پر اُن کے
گھر جو ہم سب کے بناتے ہُوئے مر جاتے ہیں
 
لہلہاتی ہُوئی فصلوں کے کئی پالن ہار
رِزق کی قسطیں چکاتے ہُوئے مر جاتے ہیں
 
ہائے اَفسوس کہ دَلدل میں بقا کے مزدُور
عمر بھر ہاتھ چلاتے ہُوئے مر جاتے ہیں
 
صُور کو تکتا ہے حسرت سے فرشتہ کوئی
لوگ جب روٹی چراتے ہُوئے مر جاتے ہیں
 
اِنقلاب آئے گا ، مزدُور اِسی سوچ میں قیسؔ
عمر بھر نعرے لگاتے ہُوئے مر جاتے ہیں
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1055">کارخانوں کو بچاتے ہُوئے مر جاتے ہیں</h3>
****************************************<BR>
<textarea rows="14" cols="40">
کارخانوں کو بچاتے ہُوئے مر جاتے ہیں
پیٹ کی آگ بجھاتے ہُوئے مر جاتے ہیں
 
بال کھولے ہُوئے لیتی ہے قضا اُن کی جان
جو عزیزوں کو بچاتے ہُوئے مر جاتے ہیں
 
رُوح کا کرب زَمانے کو دِکھانے کے لیے
جسم کو آگ لگاتے ہُوئے مر جاتے ہیں
 
بے بسوں کے لیے بنتا ہے وِداع کا منظر
اَپنے جب ہاتھ ہلاتے ہُوئے مر جاتے ہیں
 
سانس لیتے ہیں مگر اَصل میں اَکثر اَوقات
لوگ پیاروں کو دَباتے ہُوئے مر جاتے ہیں
 
جن کا چھن جائے سہارا وُہ اَگر بچ جائیں
غالبا اَشک بہاتے ہُوئے مر جاتے ہیں
 
اِہلِ زَر جان کا تاوان بھرا کرتے ہیں
قیسؔ ہم قرض چکاتے ہُوئے مر جاتے ہیں
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1056">دیئے جلا کے ندی میں بہایا کرتا تھا</h3>
****************************************<BR>
<textarea rows="14" cols="40">
دیئے جلا کے ندی میں بہایا کرتا تھا
فلک کو اپنے ستارے دکھایا کرتا تھا
 
#انجم_خیالی
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1057">رِیاضیات میں سر ، دَھڑ کھپایا کرتا تھا</h3>
****************************************<BR>
<textarea rows="14" cols="40">
رِیاضیات میں سر ، دَھڑ کھپایا کرتا تھا
میں کاپی لکھتے ہُوئے کپکپایا کرتا تھا
 
جو ہنس کے پوچھتا تھا کام چیک ہُوا تھا آج ؟
’’جواب میں کوئی آنسو بہایا کرتا تھا‘‘
 
پرندے بھی میں بناتا تھا ، پر اَکیلے میں
میں کاپیوں پہ بڑا کچھ بنایا کرتا تھا
 
گلی کے بیچ میں دو کمرے منہ چڑاتے ہیں
’’یہ راستہ تو کہیں اور جایا کرتا تھا‘‘
 
فقیر جلدی سے نوٹ اَپنے گننے لگتے تھے
میں جب خرید کے اَمرُود کھایا کرتا تھا
 
بہت ہی رات گئے تک نتیجے والے دِن
میں دادا اَبّو کی ٹانگیں دَبایا کرتا تھا
 
ہر ایک ہاتھ پہ چھَپ جاتا تھا کیو فار قیسؔ
میں چاند رات پہ منہدی لگایا کرتا تھا
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1058">خوبصورت بھی ہے اور نیند سے جاگا ہُوا ہے</h3>
****************************************<BR>
<textarea rows="14" cols="40">
خوبصورت بھی ہے اور نیند سے جاگا ہُوا ہے
ہائے یہ کام تو سونے پہ سہاگہ ہُوا ہے
 
#کومل_جوئیہ
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1059">وُہ مری یاد میں کچھ روز سے جاگا ہُوا ہے</h3>
****************************************<BR>
<textarea rows="14" cols="40">
وُہ مری یاد میں کچھ روز سے جاگا ہُوا ہے
مجھ کو نیند آئی یہ سونے پہ سہاگہ ہُوا ہے
 
ہائے تفتیش پہ سکھیوں کی اُگل دے نہ کہیں
اُس کے گالوں پہ مرا رَنگ تو لاگا ہُوا ہے
 
سخت خواہش ہے اُسے عشق میں اُستاد کروں
’’ عین ‘‘ پڑھتے ہُوئے مکتب سے جو بھاگا ہُوا ہے
 
آہ ! سیلاب کی زَد میں وُہ مزار آ پہنچا
جس پہ باندھا کسی مجبور نے دھاگہ ہُوا ہے
 
شہر والے کہیں دوڑاتے نہ ہوں زَخمی کو
قیسؔ صحرا سے تو مدت ہُوئی بھاگا ہُوا ہے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1060">یہ جو لاہور سے محبت ہے</h3>
****************************************<BR>
<textarea rows="14" cols="40">
یہ جو لاہور سے محبت ہے
یہ کسی اور سے محبت ہے
 
#ڈاکٹرفخرعباس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1061">گر کسی اور سے محبت ہے</h3>
****************************************<BR>
<textarea rows="14" cols="40">
گر کسی اور سے محبت ہے
خاک لاہور سے محبت ہے
 
عشق و تہذیب ہے مرا لاہور
اِس کے ہر دور سے محبت ہے
 
نگری داتا کی صوفیانہ ہے
یار کے جور سے محبت ہے
 
یاد وابستہ چُپ سے راوی کی
نَہْر کے شور سے محبت ہے
 
عشق اِس کے بسنتی چولوں سے
زُلف کی ڈور سے محبت ہے
 
شوخ زِندہ دِلان زِندہ باد
اِن کے ہر طور سے محبت ہے
 
شہر سب ہیں پسند قیسؔ مگر
صرف لاہور سے محبت ہے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1062">ہر نفس رنج کا اشارہ ہے</h3>
****************************************<BR>
<textarea rows="14" cols="40">
ہر نفس رنج کا اشارہ ہے
آدمی دُکھ کا استعارہ ہے
 
#محسن_نقوی
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1063">یہ اِشارہ بڑا اِشارا ہے</h3>
****************************************<BR>
<textarea rows="14" cols="40">
یہ اِشارہ بڑا اِشارا ہے
’’زِندگی نے ہمیں گزارہ ہے‘‘
 
عشق سے کچھ بڑوں نے روک دِیا
اَب فقط شاعری سہارا ہے
 
عمر بھر جس سے کوئی گزرا نہیں
ہم نے وُہ راستہ سنوارا ہے
 
کاغذی اِحتجاج کرتے ہیں
شاعری بے بسوں کا نعرہ ہے
 
دُکھ تو یہ ہے کہ عمر بھر کا کھیل
ہم نے کھیلے بغیر ہارا ہے
 
یاد رَکھنا بھی اِک مصیبت ہے
بھول جانے میں بھی خسارا ہے
 
لیلیٰ تو بچپنے کا عشق تھی قیسؔ
جان سے اَب جنون پیارا ہے
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1064">دَراَصل: بات اَلفاظ کی نہیں صاحب</h3>
****************************************<BR>
<textarea rows="14" cols="40">
دَراَصل: بات اَلفاظ کی نہیں صاحب
لوگ لہجے سے رُوٹھ جاتے ہیں
 
#شہزادقیس
.
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>


****************************************<BR>
<h3 id="TOC1065">۔ اختتام ۔ مجموعہ کلام "نقشِ ہفتم" ۔</h3>
****************************************<BR>
<textarea rows="14" cols="40">
۔ اختتام ۔ مجموعہ کلام "نقشِ ہفتم" ۔
سدا خوش رہیے ۔ شہزادقیس
</textarea><BR>
****************************************<BR>
<h3><a href="#BOOK10">Table of Contents</a></h3>
****************************************<BR>




****************************************<BR>
((End Text))
****************************************<BR>


<BR> <BR>
******************************* <BR>
<b>Find Shahzad Qais on Social Media</b><BR>
******************************* <BR>
<a href="http://www.youtube.com/subscription_center?add_user=ShahzadQais">YouTube</a><BR>
<a href="https://www.instagram.com/shahzadqais">Instagram</a><BR>
<a href="https://www.twitter.com/ShahzadQais">Twitter</a><BR>
<a href="https://www.facebook.com/ShahzadQais">FaceBook</a><BR>
<BR> <BR>
******************************* <BR>
میری تمام کتب ڈاؤن لوڈ کیجیے <BR>
******************************* <BR>
تمام کتب ایک ذپ فائل کی صورت میں <BR>
<a href="http://sqais.com/QaisAll.zip">http://sqais.com/QaisAll.zip</a><BR>
<BR> <BR>
"لیلیٰ" از "شہزادقیس" <BR>
<a href="http://sqais.com/QaisLaila.pdf">http://sqais.com/QaisLaila.pdf</a><BR>
<a href="http://sqais.com/QaisLaila.html">http://sqais.com/QaisLaila.html</a><BR>
<a href="http://sqais.com/QaisLaila.txt">http://sqais.com/QaisLaila.txt</a><BR>
<BR> <BR>
"دِسمبر کے بعد بھی" از "شہزادقیس" <BR>
<a href="http://sqais.com/QaisDecember.pdf">http://sqais.com/QaisDecember.pdf</a><BR>
<a href="http://sqais.com/QaisDecember.html">http://sqais.com/QaisDecember.html</a><BR>
<a href="http://sqais.com/QaisDecember.txt">http://sqais.com/QaisDecember.txt</a><BR>
<BR> <BR>
"تتلیاں" از "شہزادقیس" <BR>
<a href="http://sqais.com/QaisTitliyan.pdf">http://sqais.com/QaisTitliyan.pdf</a><BR>
<a href="http://sqais.com/QaisTitliyan.html">http://sqais.com/QaisTitliyan.html</a><BR>
<a href="http://sqais.com/QaisTitliyan.txt">http://sqais.com/QaisTitliyan.txt</a><BR>
<BR> <BR>
"عید" از "شہزادقیس" <BR>
<a href="http://sqais.com/QaisEid.pdf">http://sqais.com/QaisEid.pdf</a><BR>
<a href="http://sqais.com/QaisEid.html">http://sqais.com/QaisEid.html</a><BR>
<a href="http://sqais.com/QaisEid.txt">http://sqais.com/QaisEid.txt</a><BR>
<BR> <BR>
"غزل" از "شہزادقیس" <BR>
<a href="http://sqais.com/QaisGhazal.pdf">http://sqais.com/QaisGhazal.pdf</a><BR>
<a href="http://sqais.com/QaisGhazal.html">http://sqais.com/QaisGhazal.html</a><BR>
<a href="http://sqais.com/QaisGhazal.txt">http://sqais.com/QaisGhazal.txt</a><BR>
<BR> <BR>
"عرفان" از "شہزادقیس" <BR>
<a href="http://sqais.com/QaisIrfan.pdf">http://sqais.com/QaisIrfan.pdf</a><BR>
<a href="http://sqais.com/QaisIrfan.html">http://sqais.com/QaisIrfan.html</a><BR>
<a href="http://sqais.com/QaisIrfan.txt">http://sqais.com/QaisIrfan.txt</a><BR>
<BR> <BR>
"انقلاب" از "شہزادقیس" <BR>
<a href="http://sqais.com/QaisInqilab.pdf">http://sqais.com/QaisInqilab.pdf</a><BR>
<a href="http://sqais.com/QaisInqilab.html">http://sqais.com/QaisInqilab.html</a><BR>
<a href="http://sqais.com/QaisInqilab.txt">http://sqais.com/QaisInqilab.txt</a><BR>
<BR> <BR>
"وُہ اِتنا دِلکش ہے" از "شہزادقیس" <BR>
<a href="http://sqais.com/QaisDilkash.pdf">http://sqais.com/QaisDilkash.pdf</a><BR>
<a href="http://sqais.com/QaisDilkash.html">http://sqais.com/QaisDilkash.html</a><BR>
<a href="http://sqais.com/QaisDilkash.txt">http://sqais.com/QaisDilkash.txt</a><BR>
<BR> <BR>
"نمکیات" از "شہزادقیس" <BR>
<a href="http://sqais.com/QaisNamkiyaat.pdf">http://sqais.com/QaisNamkiyaat.pdf</a><BR>
<a href="http://sqais.com/QaisNamkiyaat.html">http://sqais.com/QaisNamkiyaat.html</a><BR>
<a href="http://sqais.com/QaisNamkiyaat.txt">http://sqais.com/QaisNamkiyaat.txt</a><BR>
<BR> <BR>
"نقشِ ہفتم" از "شہزادقیس" <BR>
<a href="http://sqais.com/QaisNaqsh.pdf">http://sqais.com/QaisNaqsh.pdf</a><BR>
<a href="http://sqais.com/QaisNaqsh.html">http://sqais.com/QaisNaqsh.html</a><BR>
<a href="http://sqais.com/QaisNaqsh.txt">http://sqais.com/QaisNaqsh.txt</a><BR>
<BR> <BR>
"اِلہام" از "شہزادقیس" <BR>
<a href="http://sqais.com/QaisIlhaam.pdf">http://sqais.com/QaisIlhaam.pdf</a><BR>
<a href="http://sqais.com/QaisIlhaam.html">http://sqais.com/QaisIlhaam.html</a><BR>
<a href="http://sqais.com/QaisIlhaam.txt">http://sqais.com/QaisIlhaam.txt</a><BR>
<BR> <BR>
"شاعر" از "شہزادقیس" <BR>
<a href="http://sqais.com/QaisShayer.pdf">http://sqais.com/QaisShayer.pdf</a><BR>
<a href="http://sqais.com/QaisShayer.html">http://sqais.com/QaisShayer.html</a><BR>
<a href="http://sqais.com/QaisShayer.txt">http://sqais.com/QaisShayer.txt</a><BR>
<BR> <BR>
"بیت بازی" از "شہزادقیس" <BR>
<a href="http://sqais.com/QaisBait.pdf">http://sqais.com/QaisBait.pdf</a><BR>
<a href="http://sqais.com/QaisBait.html">http://sqais.com/QaisBait.html</a><BR>
<a href="http://sqais.com/QaisBait.txt">http://sqais.com/QaisBait.txt</a><BR>


**********************<BR>
آپ کو اس متن کی اشاعت کی اجازت ہے<BR>
**********************<BR>
آپ ان تخلیقات کو اپنے ویب سائٹ، بلاگ، فیس بک، ٹوئٹر، سوشل میڈیا اکاؤنٹس، اخبار، کتاب، ڈائجسٹ وغیرہ میں شائع کر سکتے ہیں بشرطیکہ<BR>
اس میں ترمیم نہ کریں، شہزادقیس کا نام بطور مصنف درج کریں اور اس تخلیق کی اشاعت غیر تجارتی مقاصد کے لیے ہو<BR>
یہ تخلیقات کریٹو کامنز لائسنس کے تحت شائع کی گئی ہیں جس میں اس تخلیق سے ماخوذ کام کی نشر و اشاعت کی اجازت نہیں ہے۔۔ مزید تفصیلات اس لنک پر ملاحظہ فرمائیے<BR>
https://creativecommons.org/licenses/by-nc-nd/4.0/legalcode<BR>
<BR>
کسی اور طرح کی اشاعت کے لیے <BR>
Info@SQais.com<BR>
پر رابطہ فرمائیے۔<BR>