Muhubbat Kay Dilkush Na'ggenay Salaam

Muhubbat Kay Dilkush Na'ggenay Salaam
Mubarak, Muqaddas Mahinay Salaam

Ae Quran Aawar, Ae Wijdaan Gar
Ae Bakhshish Kay Roshan Kha'zeenay Salaam

Azanon Ki thandak, Namazon Ki Khushboo
Buhat Rooh Parver Qareene Salaam

Negaho'n Main Toba Ki Rim Jhim Kay Phool
Tilawat Say Pur Noor Seenay Salaam

Ajab Rooh Kaa Mann O Salwa Hai Too
Karam He Karam Kay Safenay Salaam

Sikhaata Hai Ghalba Hamain Nafs Par
Ta'raqqe Kay Pur Noor Zeenay Salaam

Ik Tajale Hai Mustafa Uss Ki

Ik Tajale Hai Mustafa Uss Ki
Aur Kiya Likhoon Main Sana Uss Ki

Maamta Jiss Ki " Aik " Nayma't Hai
Dil Meray Ham'd Tu Suna Uss Ki

" Allah Shaafi " Kaa Maane Yeh Hai Doast!
Har Mar'az Mera, Har Shefa Uss Ki

Sarfarazi Ko, Umer Bhar Tarsa
Sar Jo Chokhatt Peh Na Jhukaa Uss Ki

Aik Pathar Nay, Admi Say Kahaa
Toh Bhi Kuch Ham'd Gungunaa Uss Ki

Ilm, Irfan, Aqal Shashdar Hai
Intayha Par Hai Ibtada Uss Ki

Qais Jo Jhoom Kar Yeh Ham'd Parhay
Umer Dugni Kar'ay Khudaa Uss Ki
#ShahzadQais